السلام عليكم




[poem=font="Arial,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عليٌ من دين الغموس الوقايه=وعليك في رمي الثلاث العلاجي

وانا يا خوك ما شفت العبايه=سوى للي خلط عذب وهماجي

تموت السالفه بعد النهايه=ويبقى من بقاياها عجاجي

ويبقى العلم واسرار الحكاية=سوات الليل لا غاب السراجي

حياتي عشتها يا خوي تايه=تضيق ايام وايام انفراجي

لكني عشت ما ابين خفايه=وسري كاتمه وسط الكراجي

جليل ٍ ما تجول بالوشايه=خفيف الظل وانسان اندماجي

احب الاوله دون البقايه=لو ان الثانية فيها خراجي

غموضي دون بوحي بالكنايه=ما اذم الترس لعيوب البواجي

ولو امدح بني ادم لغايه=اصير سوات بياع الحراجي

هويت الشعر لا اكثر هوايه=يشيل الهم وافل الحجاجي

لكنك بد خلق الله كفايه=على راسي يا نسل الشيخ تاجي

ياخوي اشوف ظلي فــالمراية=اسولف له ويصرف لي علاجي

موسوس داخل ٍ قسم العناية=حياته بين واسلوبه مزاجي

يبو جبران ما احب الوصايه=ولا فكرت في عقد الزواجي

واذا كانك تدور لي هدايه=توجه للإلـه بكف راجي

عرفت الصيد واتقنت الرمايه = وميزت الصقور من الدجاجي

انا حر ٍ تمشى في ولاية=ولا بالحر عيب ان كان داجي

حلفت اني لأفسر كل آية=وارددها تلاوة قبل ما اجي

يقول الرجل للدنيا كفاية=اذا ناجى ولا حوله مناجي[/poem]

__________________