بسم الله الرحمن الرحيم
هذه قصيده في الشيخ/ منصور بن عبدالله بن محيا
شيخ شمل قبائل بللحمر
حفظه الله
والشاعر/ناصر بن يحيى الأصلعي الأحمري

[poem=font="Simplified Arabic,6,white,bold,normal" bkcolor="transparent" bkimage="backgrounds/10.gif" border="double,thick,deeppink" type=4 line=0 align=center use=ex num="0,black"]
يالهجوس استرسلي والعلم شاره=عادة لك تسمعين إن قلت هيا
الله الله شنت القيفان غاره=غارة من صقر ماهي من حديا
اتنقى في الكلام أطيب خياره=واتمثل واتطرب واتهيا
فرض عين من لوازمه الطهاره=في كتاب الله ولا فيها مليا
مايبي نشده وركعات استخاره=القصيد اللي بمنصور المحيا
سيدي والحر يفهم بالإشاره=وأنت حر مير مافيها كنيا
ماحجب نور الشعور أكبر ستاره=كيف وأنت اللي تزيد النور ضيا
راس مالي والفوايد والتجاره=شوفتك عساك تبطي وأنت حيا
شيخنا للطايله يسرج مهاره=وان نزل شوفه تحت شاف الثريا
وارث المشيخه ماهي استعاره=مثل النور الشمس مافيها غبيا
الله اللي ميزه وأعلى وقاره=واعتلى شانه مع هذا وذيا
كلمته تمشي ولانعصي قراره=ويعطي الراي السديد ولاتعيا
ماحرف عن طاعة المولى مساره=وما انشغل باله بلذات وغيا
فوق هذا ماطفت في يوم ناره=كم وكم في مجلسه رحب وهيا
مجلسه مفتوح ليله مع نهاره=ومايقوله يفعله ماهي حكيا
ان عطت يمناه ماتدري يساره=الله أكبر دمت يالكف النديا
وان حصل في الوقت لفه واستداره=في النهار اللي تبين به الحميا
كل موقف تصغر بعينه كباره=ثبته من يطوي الأيام طيا
ينتصر منصور ونشوف انتصاره=وينكوي من عانده بالجمر كيا
شيخنا يرفع عصاه وباقتداره=وكلنا في فية الشيخ نتفيا
والمعذره منك يانمر النماره=من قصور لساني وقصرة يديا
اتقدم تاره وأعود تاره=المشاعر من هناك اليا هنيا
كل قاف مانثني لجلك خساره=وان مدحت سواك عيا القاف عيا
مابقى عندي يكون أوضح عباره=وأنت مغنيك الولي عنها بليا
من هو اللي قد جمع شيخه وأماره=ماجمعها غير منصور المحيا[/poem]