رد : رساله من عبدالله بن غريب الي قحطان
ارحب ارحب ارحب
ياابن غريب
والله الساعه المباركه
الله يحييك ويحيي اقبالك ومرحبا والله ومسهلا
انضمامك مع اخوانك في شبكة قحطان هو دعم حقيقي لشبكة قحطان وسيساهم في الأرتقاء بها
وذلك لما تمتلكه من موهبه شعريه ومن ثقافه واسعه ومن شهره ... وجودك معنا يزيدنا شرف
والحقيقه اننا سعداء بانضمامك والله يحييك وننتظر مشاركتك واطلالتك على جمهورك المتعطش
لسماع روائع وجواهر عبدالله بن غريب .. الشاعر الذي رفع اسم قبيلة قحطان وشرفنا جميعآ
واثلج صدورنا بوقوفه مع الشعار الأجناب وتفوقه عليهم وامام شاشات التلفزيون والجماهير
وبيض الله وجهك ياعبدالله والله انك تشرف وتنومس ...
وابشر انشاءالله باالسعد والله انا مانذخر عنك انشاءالله . ..
والله ان فيه واحد اسمه عبدالله الخنفري كان باالصدفه قالط عند جيران ٍ له عتبان وقت
بث قناة ابوظبي للبرنامج ويوم سمع القصيده وسمع القصيده وباالذات الأبيات اللي في قحطان
قام وحذف غترته على التلفزيون من غير شعور طبعآ هو ماهوب راعي تلفزيونات واعتقد انه اول
مره يشوف البرنامج ..وقال العلم وشهو وش المطلوب مني قال واحد من العتبان هذا ابن عمكم وينخاكم
يبيكم ترسلون له رسايل ترشيح قال علي الطلاق اني لارسل ذا الليل 100رساله من مجلسكم هذا
طبعآ السالفه ياالربع والله العظيم انها صايره وعليها شهود ..حتى ان واحد من العتبان اللي جالسين
قال والله ياعبدالله ان كان القحاطين بيسوون مثلك والله ان يفوز القحطاني والله ماينافسه احد
وانا والله اني دقيت على الخنفري نفس الليلة اللي فاز فيها بن غريب وبشرته ..
واتمنى ان نكون كلنا بنفس الروح ونفس الحماس وازود في المنافسات القادمه
والله يكتب اللي فيه خير انشاءالله والله يوفق شاعرنا المحبوب وفاله المليون .
بعد اذن مشرفين المجلس العام يثبت الموضوع .
__________________
[frame="4 60"]لااله الاانت سبحانك اني كنت من الظالمين [/frame]