[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
أقول يا مـن صـاب عقلـه هبالـي=يومك وصفت أهل الجنوب أنت غلطان
رميت رميـة مثـل رمـي الخطالـي=وأخطيت بالرمية ولا صبـت نيشـان
ما تدري أنه عيـب شتـم الرجالـي=اللي على كسب الطويـلات شجعـان
والله مـا يقبـل كـلامـك شمـالـي=يـدري بعـادات القبايـل والأعيـان
ما أدري على ويش الكبـر والتعالـي=ياشاحذ الأمـوال مـن كـل سلطـان
فقـران تشحـذ درهمـه والريـالـي=متسول وتقـول يـا نـاس جوعـان
ليتك سكـت وكنـت لاهـي وسالـي=لكن على نقصك تبـي زود نقصـان
جنوبنـا فـي كـل شـي مثـالـي=دار الشرف والجود من سالف أزمـان
وأحنـا الجنوبييـن عـز وجـلالـي=ترخص دمانا ما نسـاوم بالأوطـان
بالعلـم والتدريـب طلنـا المعـالـي=فالهندسة والطـب والجيـش مليـان
والشعر فينا لـه حضـور ومجالـي=عرضة و ردية و طـاروق و ألحـان
أبدى من الطايـف و أشـد الرحالـي=من باحة الأبطـال غامـد و زهـران
والجو في سبت العلايـة صفـا لـي=بأهل الشيم بلقرن و خثعم و شمـران
و أحلى المناظر بالنمـاص الخيالـي=موطن رجال الحجر لابـة و شيخـان
وعند أهل بيشة جود من تمر حالـي=أكلب و بلحارث و صبيـان شهـران
و ابهـا تباهـت بأهلهـا والجمالـي=عسير و أصحاب النواميس قحطـان
و الفزعة اللـي كـم تشـد أنذهالـي=فزعات همدان أهل الشهامة بنجـران
و أحسب و لا أنسى لو يطول أنشغالي=أهل القضا والفقـه أشـراف جـازان
و اللي نشد عني و عن وصف حالي=خذ الخبر ما دمـت والـه و شفقـان
أنا مـن آل عبيـد عمـي و خالـي=بلقرن لي عزوة و مرجـع و عنـوان
دون الجنوب أفقـد جميـع أحتمالـي=و أثور من أجله كمـا ثـور بركـان
دام الحميـة عندنـا مــا نبـالـي=لو صار في ذا الوقت رجفه و ميـلان
هذا جنـوب العـز ماضـي و تالـي=لو تحقره يا اللاش عالـي و لا هـان
و الختم أبي تقـرا و تفهـم مقالـي=إن كنـت للمعنـى نبيـه وفهـمـان
خـل المهأيـط و الكبـر و التعالـي=و أحذر تسب أهل المراجل بنقصـان[/poem]

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..