المشاركة الأصلية كتبت بواسطة القويفل

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]




سلام الله سـلام(ن) كـل مـا هبـت هبـوب النـود=يفوح الطيب ويفـوح السـلام الطّيـب الصافـي
سلام الله على ذيك النوايا البيـض خـل السـود=سلام الله على ذاك الزمـن يـوم الحـزن غافـي
سلام الله على وقت(ن) مضى كانـت سهـود مهـود=سلام الله على وقت الرخـا يـوم الرخـا وافـي
سـلام الله سـلام(ن) كـل ماكبـرت علـي يــزود=قبل ما يكبـر الهـم الخبيـث ويسكـن أنجافـي
على فعل الدهر في عارضي بيض(ن) تلـوح شهـود=نفخ وقت الشقا كيـره ووقـض جمـري الطافـي
غدا حالي من أفعال الزمـن مابيـن نقـص وزود=وطردني حظي المقرود من حضن الهنـا الدافـي
غزيت ومملٍ في الفود مـن وقتـي ولا بـه فـود=وعرفت إنـي لـزوم أمـد رجلـي قـدّه لحافـي
وعرفت إن راس مالي في الحياه الصدق هووالجود=اسير بعزتي قـدام ماانظـر وش جـرى خلافـي
وعرفت إن كل شي(ن) ينتهـي ولكـل شـي حـدود=بعد بان الزمن لي وانكشف لـي وجهـه الخافـي [/poem]


ابو عايض


لقصائدك لمسه سحريه تجبرنا على متابعتك

لله درك على الابداع المتواصل


سجل اسمي في قائمه المتشوقين لجديدك

يا نادر