رد : قصيدة محمد المهادي الحقيقية والتي تحكي عن قصته مع جارة مفرج السبيعي
مشرفنا مداهيل الرجال /
تسلم على القصيد الي محفوظ ولا تأثر مع مرور الزمن ويقال أن هذة
القصيدة عمرها 300 سنة وعدد ابياتها فاق ال 62 بيت والحقيقة فيها
من الحكم الكثير واكثر ما اعجني فيها الابيات التالية :
والاجـواد وان قاربتهـم مـا تملهـم
والانذال وان قاربتها عفـت مـا بهـا
والاجواد وان قالوا حديـثٍ وفـو بـه
والانـذال منطـوق الحكايـا كذابـهـا
والاجواد مثل العـد مـن ورده ارتـوا
والانـذال لا تسقـي ولا ينسقـا بهـا
والاجواد تجعل نيلهـا دون عرضهـا
والانـذال تجعـل نيلهـا فـي رقابهـا
والاجواد لو ضعفـوا ففيهـم عراشـه
والانذال لـو كبـروا معايـاً صرابهـا
والاجواد يطرد همهـا طـول عزمهـا
والانذال تصبح وهمهـا فـي رقابهـا
والاجـواد تشبـه قـارةٍ مطرحـبـه
ليا دارها البردان يلقـا الـذرى بهـا
والاجـواد مثـل الجبـال الـذي بهـا
شـرب وظـل والـذرى ينقـلا بهـا
والاجواد صندوقيـن مسـك وعنبـر
واليا فتحت ابوابهـا جـاك مـا بهـا
والاجواد مثل البدر فـي ليلـة الدجـا
والانذال ظلماً تايهٍ مـن سـرى بهـا
والاجواد مثل الدر في شمـخ القـرى
والانذال مثـل الشـري مـرٍ شرابهـا
والانـذال لـو حايلتهـم مـا تحايلـوا
والاجواد أدناة حيلـة انهـاض جابهـا
والانذال لو غسلـوا ايديهـم تنجسـت
نجاسـةٍ مـا يجـوز الـدوى بـهـا
ولاهنت ياالغالي ,,,,,,,,
التعديل الأخير تم بواسطة سعيد بن مسعود آل مهدي ; 21-09-2007 الساعة 02:59 PM