[poem=font="Simplified Arabic,5,firebrick,bold,normal" bkcolor="transparent" bkimage="backgrounds/1.gif" border="double,medium,darkred" type=4 line=0 align=center use=ex num="0,black"]
بديت بالي نزل الحق تنزيل=بسمه بديت القول في مستهله
ياالي خلقت الخلق جيل(ن)بعد جيل=بأمره تعالى سبح الكون كله
ومن بعد ذكر الله بديت التفاصيل=بوضح المعنى بدقه وجله
صبرت صبر(ن)يجرح القلب بالحيل=لي مدة(ن)غيض الحشا جاحد(ن) له
انا مداي ابعد من الجدي وسيهل=ذيك النجوم الي تلامع مطله
انظر بعيد ولا استمع للأقاويل=هروج ناس(ن) هرجها ماتدله
واحسب حسابي عن خطا الهرج لاعيل=واحفظ لساني لا اتكلم بزله
لاحسني بالهرج بعض المهابيل=اقدر المجلس وانا فاطن له
اترك عتابه حشمة(ن) للمشاكيل=ولانيب مثل الي تلفت بظله
اصك بابه واقفل الباب تقفيل=سفهي علاج(ن) له وصدي دواء له
ودرا خويي عن كلام(ن) مهازيل=وقدره واليا هرج ما استمله
لوطالت الخوه سنين مطاويل=اجحد خطاه وغلطته واحتمله
الا ليا منه نواني بترزيل=عامد ومتعمد يبي لي مذله
ارد له بالصاع واوفي له اكيل=واعطيه درس(ن) يحفظه في سجله
اثر انتكاس الفهم شر وغرابيل=تبلش مع راعيه ويصير عله
درب السنع واضح بليا دواليل=ومن تاه لدروب المتاهه لع له
درست في دنيا العبر والتهاويل=وعرفت فيها كل شي ومحله
قبلي وعندي والليالي تداويل=عوارف(ن) عاشو سنين مزله
قالو طراة الرجل بين الرجاجيل=رجال دين وليا هرج ماتمله
عقله رزين وراجح(ن) بالمكاييل=راكد ولا ادنى مهب(ن) يتله
الفعل يفرق لوتشابه الازاويل=والرجل بفعاله يقدر محله
رجل(ن) كسب حظه علوم التنافيل=يلقى الثنى يستاهله من فعل له
تمت بذكر منزل الحق تنزيل=وصلو على الي كلنا تابع له[/poem]