السلام عليكم ورحمة الله وبركاته
ومسـاكم الله بالخـير ...
أقيمت ليـلة البـارحة الأحد الموافق 15/12/1426هـ محـاورة شعرية بمحافظة النعيرية سبق الإعلان عنها بهذه الصفحة حضرها الشعار الذين سبق ذكرهم وهم :
فــلاح الـقــرقـــاح ومـلــفي المــورقي
ومحــمـد بن مشــيـط و تركي الميــزاني2000
بالإضـافة الى الشـاعر : نـاصــر المــري
وكـان مكـتب / ريــاض الـصــمـان هوالمنسـق للحـفـل
وقـد بـدأ الشــاعر / فـلاح القــرقاح بهذا التسـليم :
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/6.gif" border="double,8,indigo" type=1 line=0 align=center use=ex num="0,black"]
سلامي سلام فيه حشمة وصفطان=عليكم يامحلفنا أهل الفعول الجميله
مادام الصف مليان والصدر مليان=عسى المورقي يبرك لحمل يشيله[/poem]
ثم قام الشــاعر / محمد بن مشيط بطلب الشاعر فلاح القرقاح بموال وقد تحاوروا طاروق قوي جداُ وفي إعتقادي المتواضع أنه أقوى لعبة جمعت الشاعرين وحاولت جمع بعض المواويل لأبومحمد واليكم ما أستطعت جمعه :
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/6.gif" border="double,8,indigo" type=1 line=0 align=center use=ex num="0,black"]
الشعر حكمه وأدب ماهو بطمر ونقيز=وأنا عن إللي تقوله يامحمد عزيز
حنا قحطان يعرفنا العرب والأنجليز=الحي يحييك والميت يزيدك غبن
أنت إتحداني عليكم مير يازينكم=قبيلة واحدة منا نزلت بينكم
مير إن لنا ديننا وأنتو لكم دينكم=الحي يحييك والميت يزيدك غبن
مادام تشهد لنا الدوشان وإبن حميد=وشهران وسبيع والكل مابه جديد
والا أنتو يالمري شيك بليا رصيد=الحي يحييك والميت يزيدك غبن[/poem]
ثم لعب ملفي المورقي مع تركي الميزاني طاروق ساخن
وآخر الليل بدأ الشاعر فلاح القرقاح الرباعيه والتي جمعته بالشاعر محمد بن مشيط ضد الشاعرين تركي 2000 والشاعر ملفي المورقي .
هذا ما إستـطعـت جمـعه وإعـذروني يالربع ماعندي جوال يسجل والا كان جمعت أكبر ... جوالي عنيد1
·
* كان شـاعرنا / أبو محـمـد كعـادته حصـان يصـهل .
*اصحاب الحفـل آل جـريو من الغياثين آل مـره .
*إسـتمر الحـفل حتى السـاعه الثانية من صباح هذا اليـوم .
*مسـتوى المـلعبـه بشـكل عـام / ممتـاز ولاتفوتكم إسـمعوها .
أخـوكـم / أبـوحـمــاد