[poem=font="Arial,4,white,normal,normal" bkcolor="orange" bkimage="backgrounds/2.gif" border="inset,4,white" type=0 line=1 align=center use=ex num="0,black"]
ألايـا الله ياعالم..بمـا أجـهـرت وأخفـيـت=ألا يــــا الله تفرجهاعليَه..يامـسـويـهـا
أناظرللزمـن نظـرة يتيـم مالقـالـه بـيـت=أناظـركـل هاالعالم..عيـونـي ماتكفـيـهـا
ألملم فرحتي بيدي..وأنا مـن فرحتـي شديت=ونفسي يوم مـات الفرح..حزنـي جاءيعزيهـا
هموم ضيقت صدري..كثيرة يـوم أنـا عديـت=لقيـت احــزن بأولها..وأوسطها..وتاليـهـا
حـزن مايفارقني..مـعـي لانمت..أوسجـيـت=كئيـب مايبـي غيرالسهر..والنفـس يشقيهـا
دعيـت الله يصبرني..وأناممـاجـرى ملـيـت=ونفسي ياإلـه الكون..نفسـي مـن يراعيهـا
وش اللي صاربالدنيا..وش اللي في دنيتي سويت=جاوب ياالحزن أرجوك..جاوب قلـي وش فيهـا
رجـع صوتـي يرددني..يرددكـل ماألقـيـت=جاوب ياالحزن أرجوك..جاوب قلـي وش فيهـا
ألاياليت..ألاياليت..ألايـالـيـت..ألايـالـيـت="ولاة الأمـر" تاصلهـم قصيـدة يـوم أرويهـا
تمنيـت السعـادة تعود..وأنـاوالله ماظنـيـت=سنينـي الماضيـة ترجعبعيـدة عـن موانيهـا
تفتـت خافقـي والله..مثلمـا للصخـر تفتيـت=دوافيرالصدرشبت..ولـكـن مــن يطفيـهـا
إلهي صمت من أجلك..إلهـي لـك بعدصليـت=إلهـي يـاإلـه الكون..عيـونـي لاتبكيـهـا
أنا منساق لـك ركـب الذنـوب وهاأناحسيـت=دخيلـك يـاإلـه الكون..عيـونـي لاتبكيـهـا
( ست سنين ) بي مرت وأنا والهـم والتنهيـت=اثناعشرعيد..أنا وحدي سجينـة دون أهاليهـا
وأمي في نهار العيد..تناديني في وسـط البيـت=وترجـع وتذكرني..دمـوع العيـن تهميـهـا
نعمت أول سنيني في جناب الفهد وافي الصيـت=مليك العُرب والإسـلام وبـلادي اللـي أفديهـا
وعشت الليـن والشـدة ولوقاسيـت ماقاسيـت=تهون وتهون مادامـت حياتـي عايشـة فيهـا
وأنالازلت طمعا فـي سنيـن وعمرغيرأزريـت=عسى لـي فـي ذرا عبـدالله أيامـا أقضيهـا
وولي العهـد سلطـان الكـرم والخيرإذاناديـت=يلبي للضعاف اللـي سهـوم الوقـت ترميهـا
ألا ياأهل العفوتكفـون لا حيـه ولانـي ميـت=ألا ياأهل الكـرم والجـود فكـوا قيـد أياديهـا
أبي درع الحيـاة ولـو نفيتونـي ورا تكريـت=يكفينـي سنيـن سودفـي سجنـي مخاويـهـا
ألا يـاالله ياعالم..بماأجـهـرت وماأخفـيـت=ألا يالله تفـرجـهـا عـلـيَـه يامسـويـهـا
[/poem]


..