[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=1 line=0 align=center use=sp num="0,black"]
من قبل ما أبدأ بالشعر والمعاني = سلام مني عّد ما رفرف الطير
وإعداد ما فتّحت للعلم أذاني = وإعداد ما طالت علّي المشاوير
من عقبها ياأهل العلوم السماني= مسّاكم الله يا هل الخير بالخير
ترحيبكم نسّاني اللي نساني= من فرحتي كنّي من الأرض بأطير
من عقب عيد الأضحية وإرمضاني = عيد الشعر جاني يسوق التباشير
للشعر معكم والمسا لون ثاني= كن القصايد غير .. وأقولها غير
لولاكم أنتم ما جلست بمكاني = وماجيت أقول الشعر من دون تفكير
ما جيت لجل يقال هذا فلاني = والا عشان أصير ضمن المشاهير
أمتع بشعري من تعنّى عشاني = كلّه على شان الشعر والجماهير
شيٍ عرفته من قديم الزماني = ما فيه شيٍ مستحيل إنه يصير
ياللي تحّب الهيل والزعفراني = الليل تشرب من دلالٍ مباهير
حيّاكم الله يا طوال اليماني= لرضاكم أبيات القصايد طوابير
اللي على قلبي نطق به لساني = والمعذره لو صار بالعلم تقصير
حبّيت أعبّر عن عظيم إمتناني = للمنتدى شكر ومعزّه وتقدير
ياليل ... ياليل الشعر والمعاني = لولا السما والريش ما رفرف الطير[/poem]