لغز ..... و أبي الفزعة منكم يا بني عمي !!!
صباح الخير مدري مساء الخير ... الوكاد بوجيهكم الخير كله
كيف حالكم يا رجال ؟؟؟ انشاء الله طيبين ؟؟
الموضوع و ما فيه يا الربع انه جاني لغز عن طريق رسالة بالجوال , و أنا مانيب شاعر و حاولت أحله و لا عرفت , و أبي منكم المساعدة على حله ( خاصة الشعار ) ... و أترككم مع اللغز :
أبا أنشد اللي رايهم يقطع الشك ... و اليا عطوك الراي يزول شكه
يــا ويش رجل حامل بالوطن صك ... من خلقته ما شيف و يشاف صكه
عنده سجين طال سجنه و لا فك ... و لو تجتمع كل البشر ما تفكه
وسلامتكم....
اللي يعرف الحل لا يبخل علينا ... و الله لا يهينكم
أخــــ ابن شطفان ــــوكم