تكفوووون هالشاعر أبييييييييييييييه
تكفون يا صبيان قحطان صوتوا لابن رفدة
هذا الشاعر بالذات أبيه في المراحل الجاية
والله ما هي مجاملة ولا محاباة بس الشاعر يفرض نفسه
والله ان أكثر عيال عمي يتمنون تأهله
لانه على الفطرة وما يتكلف في القصيدة مثل هالجيل
طبعاً أنا أصوت له وأربعة من عيال عمي
لكن يد وحدة ما تصفق لا زم تفزعون بقوووووووووووووووة
شوفوا وش سوينا يوم نصوت لبدر كل الخوالد فازعين ومسوين زحمة وموزعين منشورات بعد الجمعه للتصويت ومتبرعين
بمبالغ كبيرة للتصويت وكراتين بطاقات سوا رايحة وكراتين جايه وتوقعت اننا بنصفق التسعين
لكن انصدمنا انه ماتعدى ال 76
وشلون عاد اذا كان في التصويت عتيبي اللي هو الحويماني والله ما يخلونه العتبان شوفوا وين وصل السميري وصل 83
يعني الحويماني متاهل متاهل وهو كفو والله
بس أبي المتأهل الثاني يكون ابن رفدة تكفووووووووووووووون
والمطران ما رح يخلون هلال وهذا حق مشروع للجميع
ولا تقولون اللي أهّل عايض يأهل ابن رفدة
ترى ابن غيدة فازعين معكم قطر
لكن ابن رفدة مافيه قطر
لكن فيه ذيابة بيصوتون له وان شاء الله يتأهل
وتقبلوا تحيتي
أخوكم/ العريفي