شبكة قحطان - مجالس قحطان - منتديات قحطان - عرض مشاركة واحدة

03-05-2013, 03:55 PM

ماجد الخليفي

عضو ذهبي

تاريخ التسجيل: Apr 2006

المشاركات: 15,133

ماجد الخليفي has a reputation beyond repute

تويوتا الجديدة ... والبدوي

السلام عليكم

قبل يومين اشترينا سيارة تويوتا للعجوز بدل سيارتها القديمة ...

يوم جابوا السيارة للبيت ثاني يوم قلت اروح اجربها ...

ادق سلف ... ما تشتغل , واعيد وادق سلف وما تشتغل ...

واجلس اكبس بنزين واشغل واطفي ... بعد عدة مرات اسمع صوت المكينة اشتغلت ...

وامشي اروح للسوبرماركت واتسوق وارجع للسيارة ونفس المشكلة ما تشتغل ... وبعد عدة محاولات ووجع راس وسب في التويوتا والوكالة والمرة على اختيار هذا الموديل اشتغلت وارجع سيده للبيت اخاف تطفي علي بالخط

يوم رجعت معصب على المرة كيف تاخذين سيارة تعبان مثل هذي ...

مسكينه تلخبطت ... شرحت لها السالفة

قامت وعلمتني سالفة هذي السيارة

الله يسلمكم هذا النوع من السيارة يسمى هايبريد Hybrid يعني هجين تشتغل على البنزين وعلى البطارية وصديقة للبيئة يعني ما تحرق بنزين كثير

اسم الموديل اكوا من تويوتا ...

اثري عندما ادق سلف تشتغل مكينة البطارية اولا وما لها صوت والسيارة تمشي على البطارية ... والمكينة ما تشتغل ولما تقرب البطارية تخلص تشتغل المكينة اوتوماتيك لين تشحن البطارية ثم تقف وهكذا ... وانا مدمغ احسبها خربانه