السلام عليكم ورحمة الله وبركاته

شحالكم يالربع اربكم بخير؟

هذي رديّه بيني وبين وااحد من ربعي مطيري من باب المزح يومه طلع عبدالله بن غريّب وبقى تركي الميزاني

قالي في بيتين:

يوم انها بالويل ومناطح الخيل
كل القبايل ذاقت الويل منا

وان عودت للمال والقال والقيل
حنا على الشعار فزنا بولدنا

ورديت عليه في اربع ابيات واقول فيها:

اقول دحدر يالمطيري مع السيل
يهاب منا كل انسٍ وجنا

حنا قحاطينٍ نهار الغرابيل
في الحرب كلٍ يشتكي من فعلنا

وان جات للتصويت حنا مهابيل
تصويت لين تقول روضه خلصنا

لكن عشان نعلم الجيل والجيل
حنا عن الشحذه نكرّم ولدنا

سلامتكم

ومهما صار بيني وبينه نبقى ربع من صف اول ابتدائي وانا وياه ماخذينها من باب المزح والمداعبه

اخوكم:ناصر بن محمد