[frame="9 80"][poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعيد الفهري :
يا مرحبا بالشاعر اللي يسبح بحور الشقر = ويلاطم الامواج في جزر البحور ومدّها

كلّه على شان الخدود الحمر واهداب الشقر = وكفوف ذهّبها وكنّه بالذهب ما مدّها

ابراهيم الشيخي :
الك البقا يالشاعر اللي زين منطوقك يسر=ان كان قدمت الدها تلقى الدها وترى الدها

ان كان وانك خاتمك فضة ومسباحك يسر=ماني مصافحك بيدي وانته يديك تردها

سعيد الفهري :
الفارس المشهور يا ابراهيم لوّح بالنصر= حوّل على ذيك البيوت اللي تهاز وهدها

والمشعل اللي كان فالاهلي وسجل بالنصر = كانت عقود الاغنيا فيديه لكن هدها

ابراهيم الشيخي :
ما كل من قصّر ثيابه صار مهدي منتظر=لابدها تظهر معالم كذبته لابدها
ياسعيد قل ل(المشعل)الله لايضرك منت ضر=بغيت كبد المنيبة ماناشك الا بدها
سعيد الفهري :
المجد لاهل الطيب واصحاب المعالي والذكر= الرجل منهم لو يوقف للوازم سدها

واللي خرج لك من بطن الانثى ومن ظهر الذكر=ما تمنعك منه جبال تلتجي في سدها
ابراهيم الشيخي :
راع الشداد اللي شداده صار مدعاة الفخر=بكرة ذلوله ترمحه والا يميل شدّها

ياكم جبل عقب ارتكازه صابته رجفه فــخرّ=ترى الجبال انواع وجبال السراه آشدها
سعيد الفهري :
راع الشداد المقتدي بالمصطفى وابو بكر = يكسر جيوش الفرس بافكاره ويلعن جدها

فكر ملوّثه الشقا وافكار لو تربو بكر = وافكار تحتار الرجال بمزحها وبجدها
ابراهيم الشيخي :
اجل تحيزم للجهاد ان كان في راسك ظِفر=الهرج مايصنع لك سيوف ويبرّع حدهـا

لا ياالعبيدي لو نزعت اللحم عقّيت الظفر=وش دخّلك في ناس حدّك مايجاور حدها

سعيد الفهري :
الصقر محزمه الجناح ومنزله ضلع ووكر=وان جاك بالصيده فعش الربع والا غدّها

والمعركه رجل وحصان وصارم وفر وكر=واللي تمضّي يومها يصبح عليها غدّها
ابراهيم الشيخي :
ياهل الصقور صقور هذا الوقت ما منها خطر=اما لطمنا عينها والا لطمنا خدها

اللي على بالك خطر واللي على بالي خطر=مثبوت فالتاريخ وحقوق التواريخ أدّها
سعيد الفهري :
الجود في حاتم طبع والعدل خصله في عمر=نفس (ن) تكّد وتجتهد ربك ماضيّع كدّها

ان قوّم الله حظّكم يا قوم واعطاكم عمر = عقيدكم يرفع يديه وشوشته ما كدّها
ابراهيم الشيخي :
اصابع ايدك ماتساوى والزمن كله عِبر=والناس لاتفخر بلبس ثياب ماهي قدها

بر الامان الي تشوف احدٍ عثر واحدٍ عبر=ان شفت في نفسك ثقة قدّ المسيرة قدّها

[/poem][/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة