ماني من اللي يتبعون المقفين

ذي ميزتي يابنت واكبر صفاتي

قيلك لحى يابنت لليوم مبطين

قفو وهم لليوم باقي ف حراتي

اصك باب اللي يقفي يقفلين

واشوم وامسح ذكرهم من حياتي

معاد بي جهد على لوعة البين

لو كنتي احلامي واغلا امنياتي

قولي عنيد او قولي اللي تقولين

اهون علي الموت مكسر عصاتي

يابنت انا نسل الكرام الميامين

عيال عود طاول النايفاتي

اللي لهم وقفات في العسروالين

من ساحل الغربي لروس السراتي

حنا بلا يابنت كل المعادين

عدونا وان عاش يبقى النجاتي

حنا ذرا من ضامه الوقت مسكين

في حلنا يرقد ويهنا المباتي

ودامك نويتي تقطعي الود وتقفين

روحي عسى دربك خضر يا غناتي

بس اسمعي كلمه قبل لاتروحين

كلمه وذي يابنت اخر وصاتي

لوكان بعدك يجرح القلب جرحين

ويشق لي صدري ويدني مماتي

ماقلتلك يابنت تكفين نكفين

لاوالذي سواك ما هين ذاتي