السلام عليكم ورحمة الله وبركاته

مشاركة متواضعة تنتظر مروركم الكريم .
[poem=font="Simplified Arabic,6,firebrick,bold,normal" bkcolor="silver" bkimage="" border="double,thick,white" type=2 line=0 align=center use=ex num="0,black"]
هيه يا اول من كتبت (ا)به القصيد = والله انك عندي اغلا من القصايد
(ا)و والله ان مقابلك لي يوم عيد = (ا)و والله ان (ا)مفارقك هم (ا)و نكايد
( رِحم ابوك ) انت الوحيد انت الفريد = انت شيخ النادرات ابو الفرايد
انت لك في كل شي(ن) موضع ايد = لابسك قلبي مثل لبس القلايد
انت تامر وانت تنهى يا وحيد = كل شي(ن) فدوتك داني (ا)ونايد
الله اللي حط لك عندي رصيد = راس ماله حب والباقي فوايد
جاري(ن) حبك مع مجرى الوريد = (ا)و صار له عندي تقاليد (ا)وعوايد
وان بغيت الصدق والعلم الأكيد = لك غلا .. لك شوق .. لك تقدير زايد
انت صياد(ن) تصيد القلب صيد = (ا)و راح قلبي للأسف ضمن الطرايد
ما دريت ان صدتك ظلم(ن) شديد = والزعل من حضرتك بالحيل كايد
وان بغيت الشور والراي السديد = لا تحط (ا)قلوب خلق الله بدايد
وان عصيت الراي يا الغِر العنيد = كل فعل(ن) له ردود (ا)وله ضدايد
خذ هذا قلبي يا ابوقلب(ن) حديد = ما بقى له لا وجود (ا)ولا شرايد
والجديد ابشرك ما من جديد = السهر حرم علي لمس الوسايد
اكتب القصه وارددها واعيد = كل ما هب الهوا حدب الجرايد
وانتظر صبح(ن) نهاره لي سعيد = تنقشع مع طلعته سحب النكايد[/poem]
وسلامتكم

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]