يا مجالس قحطان وثقوا شعر الاسطوره القحطاني
السلام عليكم ورحمة الله
الاخوان اعضاء واداريين مجالس قحطان
الله يمسيكم بالخير والمسرات
في الحقيقة انني اكتب هذا الموضوع عن شاعر لم يأخذ حقه الاعلامي
مع العلم انني اعتبره
علم واسطوره في الشعر وذلك لما رأيته من ابداع
وتميز فريد وجزاله وسلاسه في الالفاظ
بل اعتبره مدرسه شعريه يستفيد منها الشعراء
هذا الشاعر قابلته عدة مرات وقد اسمعني بعض من قصائده الجميله
هذا الشاعر يستطيع ان يكتب القصيده في جلسه واحده
وعندما تسمعها تعتقد ان هذه القصيده قد امضى صاحبها
سنوات ليستطيع اظهارها بهذه الجزاله
هذ الشاعر قد ووري جثمانه الثرى فعليه رحمة الله الواسعه وغفر الله له
ومن باب ان هذا الشاعر من قبيلة قحطان وله حق علينا وهو ابن عم لنا
ومن باب نصرة الشعر الجزل والشعر الحقيقي
فأعتقد انه من الواجب عدم نسيان هذا الشاعر العلم
مع العلم ان العضو الاستاذ خالد آل مطرف العاطفي الله يبيض وجهه
قد قام بنشر بعض قصائده في هذا المنتدى وله مني جزيل الشكر
ارجو من الاداره الموقره التكرم بجمع قصائده وجعلها في
موضوع مثبت
في المنتدى ليستفيد منها الجميع
من شعراء ومتذوقين ونقاد وهذا اقل ما يستحقه
من اخوانه وربعه
ولكي لا تتعرض قصائده للسرقه اذا لم يتم توثيقها
هذا الشاعر هو / سعد محمد سعيد ال سالم الفهر القحطاني [ابوعبيد] رحمه الله
وأليكم بعض قصائده التي قام بنشرها اخوي خالد آل مطرف العاطفي
ولكنني سأوردها متتاليه في هذا الموضوع ليتسنى للجميع قرائتها الحكم عليها
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
لوبكيت الكل يبكي من بكاك= لويشاهد دمعتـك وحـشٍ بكـى
امسح الدمعه عسى روحي فداك = والله اني فيك مااسمع منحكى
جل ربٍ صورك واحسن بهاك =خذت كل الزين مامعك اشركا
بين كل الغيد وين القى سواك = جامعٍ بيـن السذاجـه والذكـا
والنهاية يانظر عيني تراك = لوبكيت الكل مـن شانـك بكـى [/poem]
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
ياعبيد انا جربت واخطيت واقديـت = ومشيت فوق الشوك باالرجل حافي
وكم ليلة ضيعت والصبـح دليـت = ايام كان النـور بالـدرب طافـي
وكم ليلة ٍ في حفرة الموت طبيـت = وحمدت ربي ويوم صارت عوافي
وكم مرة ٍ فيها على الطيب اخطيت = وافلست من خوة رفيـقٍ سنافـي
وسافرت لديـار ٍ بعيـده ورديـت = وعجزت لا حـدد نهايـة مطافـي
وكم ليلة ٍ مع هايف القد سجيـت = ابو جديل ٍ فوق الامتـان ضافـي
وسامرت عشاق الغرام وتهنيـت = ومازلت لعهـود المحبيـن وافـي
ولاشفت منهو مقفي ٍ عنه قفيـت = اقفي عن المقفي ولانـي بهافـي
ولاصد عني واحد ٍ عنـه صديـت = وراع الجفا مني جـزاه التجافـي
ويابوك انا جربت واقديت واخطيت = ومشيت فوق الشوك بالرجل حافي [/poem]
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
الله مـن هـم لجـا داخـل الـجـوف=هـم لجـا باالجـوف حالـي دمرهـا
وخوف من الماضي يطارد ورى خوف=وعيوب ٍ تكشـف والله اللـي سترهـا
واحداث تجري والسبب غير معـروف=وشوق عـن الخـلان رجلـه قصرهـا
جرتي مـع الأيـام والوقـت يانـوف=يانوف وانتي مـاء العيـون وبصرهـا
يانوف قامت ضدنـا عـدة اظـروف=والروح ممـا صـار قـرب خطرهـا
لاجيت ابشرح موقفي منـك مكسـوف=راحـت حلاويهـا وهــذا كـدرهـا
يانوف لويصبح بنـا السـر مكشـوف=وعدواننـا تمشـي وتكشـف خبرهـا
وانتي سبب مابي وانـا منـك ملهـوف=وارضي دهر .. يانوف وانتي مطرهـا
وانتي الذي يعجز بك الوصف ووصوف=وانتـي بساتيـن الـفـواد وشجـرهـا
ياجادل ٍ شعره علـى المتـن منسـوف=لامن لقـوه البيـض يقصـر شعرهـا
يامدمـج الساقيـن والوسـط ملهـوف=وكن القمر في وسـط ..لبـت نحرهـا
قربك يطمن لوعتـي لحظـة الخـوف=وحبـك معاليـق الظمايـر هصرهـا
قالت كفى ماصار مـا انتـه بمكلـوف=انا السبب فيما حصـل مـن ضررهـا
ودي بشوفـك بـس يكفينـي الشـوف=يامـن عمـر حالـي وعـود دمرهـا
لارحت قلبي راح ..بثـرك . محـذوف=وعيني بعـد فرقـاك طـول سهرهـا
ليتك تشوف الحـال لـو ودك تشـوف=حـال الـذي نفسـه بنفسـك ..نذرهـا [/poem]
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
ياعبيد لاتسأل عن اسباب بلـواي=اخاف لا يلحقـك منهـا مضـره
انكان لك ممشى غدا مثل ممشـاي=فعزي لعينك من طريـق ٍ تمـره
ياعبيد ياصبري على جور دنياي=عساك منها ماتشـوف المضـره
هذا زمان ٍ فيه كم تاهـت اريـاي=يعطيك من خيره ويكفيـك شـره
خان الرفيق اللي عرف سر مخباي=ربع الرخا ياعبيد وقـت المسـره
تعبت قدم رجلي وانا رايح ٍ جـاي=اسير وابحث عن طريق المسـره
واليوم يامشكاي ياكفـو رجـواي=خطر ٍ على جيبي من الغيظ اطره
شف سيرتي يركض بها كل حكاي=خبـل ٍ وجيبـه فاغـر مايـزره
حاول تساعدني على شرح دعواي=للصاحب اللـي لا لقانـي تشـره
فنكان نفعـك ماحصلـي بدنيـاي=في الآخـره كـل ذنوبـه تجـره
واليوم لاتسأل عن اسباب بلـواي=اخاف لايلحقـك منهـا مضـره [/poem]
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
قـالـو سعـيـد وقـلـت مـامـن سـعـاده = واسمي سعد بس السعد مني بعيد
قـالـو ذكــي قـلـت الـذكـى والـبــلاده = وهبـه مـن الرحـمـن مــن دون تحـديـد
قـالـو قصـيـدك فـيـه قــوة اشـــاده = قـلـت العـفـو ياكثـركـم يــا القواصـيـد
قالوشجـيـع وقـلـت صـــدق الأفـــاده = انـا جبـان وضـاق فــي رجـلـي القـيـد
اذل حـتــى مـــن ظـــلال الـجــراده = والـذل ماينجـي الحـبـاري مــن الصـيـد [/poem]
قصيده رثاء في وفاة شيخ شمل قبائل عبيدة قحطان /الشيخ مترك بن ذيب بن شفلوت ( رحمه الله )
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
احـاه تسعيـن الـف بليـار عــزاه= تضـرب بملياريـن ونـة حــزن آه
ومنتوجهـا يضـرب برمـل الجزيـره=تبكـي رحيـل اميرنـا اللـي فقدنـاه
قبل العشاء خمسه وعشريـن جمعـه=تناثـرت عــدة ملايـيـن دمـعـه
عليـك ياشمعـة شفاليـت ربـعـه=لارحم ابو مـوق ٍ درى مانثـر مـاه
بشهر ( 11) من عام خمسه وعشرين=وزود اربع إميه مات شيخ القحاطيـن
يامن خلقت اغلب هل الأرض من طين=ان تجعـل الفـردوس يـارب مـاواه
مترك عسى الفردوس الأعلى مكانـه=ماقدمـه يلـقـاه تــوه حصـانـه
امانـتـك يامـسـتـرد الأمـانــه=تجعـل بنـات الحـور تسعـد بلقيـاه
مرحـوم ياشيـخ ٍ يشـرف سجـلـه=دين وكـرم واخـلاق حسنـه جبلـه
وخطلان الأيـدي دايمـآ فـي محلـه=له مجلس ٍ دفي الكـرم فـي زوايـاه
كسـاه خــلاق البـرايـا بمـيـزه=ياقلهـا بيـن الشـيـوخ العـزيـزه
ياتي قبـل ( يـذن ) بفتـره وجيـزه=ويدعـي لخلاقـه بصـدق المناجـاه
كم اعتق رقاب ٍ من السيـف ابوحـد=وكم مبطي في السجن من فعله انهـد
من صلب شيخ ينعرف ساعـة الجـد=لاقـال قــول ٍ ياصـلـه ويتـعـداه
رحلت يانهـر الوفـاء منقـع الطيـب=اخو مناحي نسـل عطـب المضاريـب
يحسن عزا ذعار و عزا شيخنا ذيـب=ويحسن عزا اشبال تـوارث سجايـاه
ويحسن عزا الحكام في طيب الصيـت=ويحسـن عـزا عبايـد ٍ والشفاليـت
ويحسن عزا من ينتحب داخـل البيـت=تبكـي معزيـن العـزا زفـرة ابكـاه
رحيـل متـرك فـي الجزيـره فقيـده=ابو الشيـوخ وشيـخ جملـة عبيـده
حكمه وحلم وصـدق واريـاء سديـده=من سمع شوره اقتنع فيـه وارضـاه
زلزال فقـده شـب باالجـوف نيـران=له فوهه تقـذف حمـم تقـل بركـان
شرارها حـره غشـى كـل قحطـان=لو ينفدى قلـت الفهـر مـن فدايـاه [/poem]
وهذه القصيده قد اوردها الاخ العضو عاشق الوطن
ومناسبة القصيده ان عبيد في ليلة العيد رغب في ملابس جديده
وسيكل مثل سيكل ولد حماد الا ان والده لم يجد في حينه ما يجود به الرب على
عباده وهو ارحم الراحمين فما كان منه الا ان قال هذه الابيات معتذرا من عبيد وموعده خيرا قادم
واليك القصيده
[poem=font="Times New Roman,4,black,bold,normal" bkcolor="transparent" bkimage="backgrounds/15.gif" border="ridge,medium,darkblue" type=2 line=0 align=center use=ex num="0,black"]
يا عبيد لا تبيكي ترا الأمر من فوق=واللي من الله مامعـي فيـه حيلـه
أصبر ولو ثوبك من الكتف مشقوق=وش عاد لو ما تحت ثوبـك فنيلـه
الخالق الله و أنت ياعبيد وخلـوق=وارزق عند اللي ينشـي المخيلـه
متمسكٍ بك وأنت يا عبيد موثـوق=يوم أنت تالـي عزوتـي بالقبيلـه
ياعبيد خلك لي وأنا أبوك صنـدوق=ولا ثقل حمل الوقت عنـي تشيلـه
وأبعد عني اللي يتهم الجار با البوق=وخلك بعيدين عـن دروب الرذيلـه
ولمثال قالت كل مطـرود ملحـوق=والكـون واسـع واليالـي طويلـه
ومن يعمل المعروف يلقاه مطبـوق=ومن يزرع العنبر يفـوز بحصيلـه
لا بد مـا تنـور لياليـك بشـروق=ماهي عليـك ولا علـي مستحيلـه
ولا من فرجها الله نبي ننزل السوق=ونشري من الغالـي ثيـاب جميلـه
ونشري لك السيكل مثل حق مرزوق=وياتيك مرزوق الحمـد مـا تجيلـه
مش الدموع اللى تحدر على الموق=الرجل لا من سـال دمعـه يزيلـه
واليوم لا تبكي ترا الامر من فـوق=واللى من الله ما معي فيـه حيلـه [/poem]
رحم الله الشاعر سعد ابن محمد الفهري رحمة واسعه وأسكنه فسيح جناته
__________________
اللهم اغفر ولوالدي ووالديهم والمسلمين اجمعين
انا حس كني مالك الارض واهل الارض ***** وكن الملوك اللي على الارض خدامي
ليا قمت من نومي وصليت قبل الفرض ***** وسبحت واستغفرت والناس نيامي
#
#
مشلح بن حسن بن سلطان بن سفران