[poem=font="simplified arabic,5,black,bold,normal" bkcolor="transparent" bkimage="backgrounds/40.gif" border="double,4,gray" type=0 line=0 align=center use=ex num="0,black""]
=عبدالله المشعلي
مرحبا يا جاري اللي صار لي واياه مده= عقبها شد ونزل وادي وخلاني بوادي
اطلبه حق الجوار وكل طلابٍ يرده= جيرته ماهي مثل جيرة مفرج والمهادي
َ=
=مبارك الرجباني
البقا يا محييٍ ذكرى وفاء جدي وجده=جيرةٍ بين الوجيه البيض مثل النور بادي
ان طلبت الحق تعطى الحق والمطلوب عده=وان زعمت ان المهادي خير فالموضوع عادي
َ=
=عبدالله المشعلي
الوفود تجيك وتعوّد على ظهور الاشده=واتعبوا عوص النجايب فالصباح وفالهجادي
والبعير وهو بعيرٍ يجذبه صوت الموده=وانت ما بينت وجهك يوم ناداك المنادي
َ=
=مبارك الرجباني
لو تقود وفود ما ضمت الزمان وباح سده =والحقيقه ما ش وفد لا يقود ولا يقادي
ما نصد ليا دعا الداعي مع القوم المصده =لو طلع راع الردوف ولو نزل راع الشدادي
َ=
=عبدالله المشعلي
أدري ان الدوسري واقف على حده وعده=لا يفكر في بياض ولا يفكر في سوادي
لابس له جلد ذيب وقامت الدنيا تحده=كل ما قربت محاضيبه خذا الريع المقادي
َ=
=مبارك الرجباني
المقام اللي بنوه اهل الفضايل ما نهده = في المواضيع القديمه والمواضيع الجدادي
انت تطرقها على نهجٍ يشرف وانت قده = لا تلبسها بعد ثوب الفرح ثوب الحدادي
َ=
=عبدالله المشعلي
أنت لو سلمت من بعض الامور المستجده= كان ما فرقت من بين العرب حضر وبوادي
والمراعي من طرف نجران لامكة وجده=جعل دارٍ ما بها مرباع حنـّان الجرادي
َ=
=مبارك الرجباني
في بداية علمك أفكار العوارف مستعده = للعلوم اللي تسر البال وتريح الفوادي
البحر ماتخلف فصول السنه جزره ومده = والتراجع عن ركيك الهرج اخير من التمادي
َ=
=عبدالله المشعلي
المثل يقول هرج يجول في خاطرك بده=والحكيم اللي ما هوب يجيبها الا في سدادي
باقي لك حاجتينٍ تقصر الحبل وتمده=شرهةٍ في جنح ليل اوقفةٍ يوم التنادي
َ=
=مبارك الرجباني
كل شئ زاد عن حده يصير الزود ضده = الكلام الزين من حضك بلغت به المرادي
مابقى الا طلبت الله والمخوه والموده = والسلام ورحمه الله والمصافح بالايادي
َ=
=عبدالله المشعلي
حط من بيني ومن بينك حزوم مجرهده=الفشق في محزمي وأيدي على راس الزنادي
بعد سقت العلم يمك لين وصل العلم حده=عندنا رد البراء واختامها مسك وزبادي[/poem]