السلام عليكم ورحمة الله وبركاته

كل عام والجميع بخير

أرفع لمقام ذائقتكم الراقيه هذه المشاركة المتواضعة وكلي أمل بأن تحوز على شيئاً من رضاكم .

أرجو بعد الإطلاع التعليق والمشاركة .
[poem=font="Simplified Arabic,6,darkred,bold,normal" bkcolor="transparent" bkimage="backgrounds/15.gif" border="double,medium,darkred" type=2 line=0 align=center use=ex num="0,black"]
يا كبر جور الآدمي وهو معثور= لو صابته شوكه تكدر مشربه

عنده لمل ممدود لو باقي شهور= في عمره اللي من خلقه اله اكتبه

يبغى يحوش المال ويعيش بحبور= والموت مندوبه على اثره يطلبه

لو حسّبوا من قبل غبات القبور= في منزل(ن) ما به سرير ولا (ا)كنبه

ما كان طاب إلـ هم نعيم(ن) فالقصور= لو كان طوبه ماس والأخرى (ا)ذهبه

ويحس واحدهم بتأنيب وقصور= لو جبهته عن لرض تبعد وركبه

ولو برقوا باقوام ماضية العصور= كان اعرفوا وجه القرابه والشبه

وان لآخره مقر والدنيا مرور =والموت حطّاب(ن) ولرواح احطبه

واحسن صفات الموت عادل ما يجور= يختار عشوائي ما همه مرتبه

العبد واحد والملك . والدور دور= من جاه دوره راح ما فاد انسبه

ويا ليتها روحه بلا بعث ونشور= إلاّ (ا)حساب وفوز ولاّ متربه

فيا الله جزعنا السراط اثنا العبور= في ساعة(ن) يشهد على الرجل اشنبه

أعضاه تشهد بالذي بين السطور= الفخذ الاول ثم حتى منكبه

ويالله بعفوك جنه وزوجات حور= والاكل طير(ن) مشوي وخمر اعنبه

واعوذ بك من ما يوسوس فالصدور= ومن العذاب وعيش ذل ومسغبه

وأسألك عفوك يا رحيم ويا غفور= وجرني بلطفك من عذابك واسببه

ويا كبر جور الآدمي وهو معثور= لو جاه كحه عاف حتى مشربه[/poem]
وسلامتكم

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]