[poem=font="Arabic Transparent,5,indigo,bold,normal" bkcolor="transparent" bkimage="backgrounds/13.gif" border="double,thick,darkred" type=4 line=0 align=center use=ex num="0,black"]
بسم الله الرحمن الرحيم
يابو سعد قبل الغروب بساعـه= حداني الهاجوس للمرقابـي
سقت القدم ماهمنـي مطلاعـه =كني قعـود ساقـة المشعابـي
ساعةوصلت اعلاه صغرت قاعه =و يا صغر وادي الغول كنه الدابي!
وجريت صوت(ن) هاضني روباعه =يـروح ويعـود بـه الهبابـي
خضعت للهاجوس سمع وطاعه =انا الأسير وهاجسي الإرهابـي
كن في سويداء قلبي الولاعـه = الله يجيرك من صواب امصابي
عصفت فكري لين جاب ابداعه = جواهر(ن) ترفع رصيـد حسابـي
تعرض على الشرايـة البياعـه = تجار سوق(ن) مـا نزلـة مرابـي
ما غرهم عن سعر كل بضاعـه = أدنى وصايفهم أولـو الألبابـي
عندي رضاهم غاية(ن) واطماعـه = وإعجابهم هو غايتي وإعجابي
الله على مرقاب قـرن القاعـه = ذكرني المرقاب بعض اصحابـي
اهل النقا واهل التقى والطاعه = ذخري وراس المال عند النابي
شرواك في وقت (ن) غريب اوضاعه =و لا رفقة الاَ رفقة العنابي
والرفقة الي كنها فقاعه =اهون ما فركشها لونه اذبابي
مالي براعيها ولا بأنفاعه=حتى لو ان بابه مناحر بابي
اليا استوى راسه وبطن اكراعه = ساوى مابين الروس والاذنابي
اما بعد يا نفسـي الطماعـه = الشيب زاد وغـرب الشبابـي
وعمري مضى منه ثلاث ارباعه = وانا اترجى واقـع(ن) كذابـي
وانتي وداعة والسنين اوداعه=ولابد ما يطوى سجل اكتابي
واعرض على الرحمن يوم الساعه=عريان حتى من صخيف اثيابي
فتوبي الى الله واطلبي الشفاعه= اني امرؤ(ن ) ملاقي ٍ(ن) حسابي
[/poem]