خيال الكحيله بسم الله الرحمن الرحيم
الله اكبر الله اكبر ولله راجعون : يامهونها علي هون الخطب الجلل
والله ان لي ف الموقف شعور ماتخون : انتحل فعل الاسد واحتمل حمل الجمل
مير ياصكات الايام هوني بالزبون ارفقي بالي على لابته شفق و جل
ياوجودي ياوجودي وياحر الغبون : كل عام وفيه ظلع يحول للسهل
اخر الفجعات واحر من شلع الطعون : يوم وفاني الاخبر من رفيق اتصل
الخبر مؤلم ومنه طفر دمع العيون ولا بكت عين البطل كون من فقد البطل
الله يرحمك يالي علينا ماتهون : مكرم الضيفان يوم المعسره والمحل
يامراد الضيف يالي بطيبك يشهدون : النشاما من جميع القبايل والحلل
ياذرا اللي عضه الوقت بحداد السنون : ياالرفيق اللي يوقف لمن غيره جفل
ياالمنار اللي ربوعه بنوره يقتدون : انحجب نورك وغيب شعاعك يازحل
امر من له لمر والشي من امره يكون : بيده الاقدار واعمار خلقه والاجل
رحت ضيفاعند من له عباده يسجدون : ياعسى ضيفتك غفران من ذنب وزلل
ياعساك بجنهً ارضها مسك وغصون في قصور من تحتها جرى نهر العسل
يالله ان تحسن عزانا وتجبر كل كون : يامجيب اللي لدعوتك صادق وابتهل
ياسعيد اسمع جوابي وغيرك مايهون كلكم عندي اخوان وفي راس الجبل
عاده اهل الطيب في مركب ماينزلون :من قضى دوره فمثله يجيله في المحل
مايخيب الضن فيكم عساكم تسلمون : من يورث طيب حاضر وكنه مارحل
الله يرحمك يامانع ويجبر كل كون : انحجب نورك وغيب طلوعك يا زحل

انا لله وانا اليه راجعون واحسن الله عزاكم[/quote]