]

من قصائده القصيدة الشهيره التاليه :
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الطيب فرصه و الجمايـل توافيـق=ومن لاتوفق ماكتـب لـه جمالـه

ومن لارقى للطيب روس الشواهيق =مازان لـه وقتـه علـى مابدالـه


ومادام لفعول الجمايـل عشاشيـق=كسب الجمايل ما يجـي بالسهالـه


ولو انها تشرب مع فكـة الريـق=كلٍ خذا له كل مـا اصبـح بيالـه


والطيب منوه للقلـوب المشافيـق=كـلٍ يتـوق ومنوتـه راس مالـه


والمدح مايزهى على الرجل ويليق=الا لا صـار ت وافيـات خصالـه


يستاهلـه رجـل يفـك المزانيـق=اللي يقال ونعـم لا جـاء مجالـه


ومن ساقته نفسه وهو مابعد سيق =لاجـل الجميـل يزيـن الله فالـه


والمرجله ماهي بتحتـاج تنسيـق= من بين قلب اللي عشقهـا وبالـه


ومن عادة الدنيا تخون المواثيـق=تفتـر مكرتهـا سـواة المحالـه


ولو لا اللوازم ما عرفنا المخاليـق=مانعـرف الرجـال ليـن انعنالـه


والكفؤ تظهر فزعته حزة الضيـق=وينشاف في الشده بعيـن العدالـه


نسل الرجال متعّبين المـلاحيـق=متوسط مـن بيـن عمـه وخالـه


واللي يطيق ولا بغى قال مااطيـق=تحرم عليـه المرجلـه والشكالـه


والهيّنه تكبر على اللاش والهيـق=له في الرخاء قاله وفي الضيق قاله


والطيب شاره والضماير صناديـق=واللاش طيبه مـا تعـدى ظلالـه


وانا اسبر قلوب الرجال المغاليـق=والصامت اقطع غايته مـن مقالـه


ومادام في الدنيا رجـال ومطاليـق=نصيتهـم والـلاش مالـي ومالـه[/poem]

&&&&&&&&&&&&&&&
&&&&&&&&&&&&&&&


الاخ سعد

هذه القصيده تستهويني

ولي مع كل بيت وقفه

ويقول متذوقي الشعر والعرافه في المجال الشعري

ان اعذب الشعر اكذبه

ومع انني اقراء في هذه القصيده اكثر من معنى

امل من شخصكم الكريم

تحديد البيت الذي بامكاني ان اقول هذا بيت القصيد

من ناحيه اخرى اود ان اسأل وانت المقل في مدادك الشعري

هل اهاتك الشعريه تنسل طواعيه ام تجرفها المناسبه وتزيدها عمقا ماتحمله من هم

السؤال الاخير استطعم في كلماتك الشعريه غموض دفين ؟ هل هذا انعكاس لشخصيتكم

بقي ان انوه ان قصائدك تستهويني واعشقها لما تحتويه من جزاله في المفردات وعذوبه في المعنى

تحياتي