[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,medium,gray" type=1 line=0 align=center use=ex num="0,black"]
من عادتي ما أحط للفكر مزلاج =والنفس أروضها أجود رسنها
لا جات من فكري مفاريد وازواج=قام الورق من لهفته يحتضنها
البارحه حطيت لي خمسه أبراج =فأرض الخيال وشفت الأقطار منها
شفت النتيجه تشتكي هم الإنتاج=وشفت السنابل والرحى اللى طحنها
شفت الطريق المعتدل صار منعاج=وأحداث بهذلها الزمان ودفنها
وجروح ناس مالها طب وعلاج = ونفوس مرضى والفرح ما سكنها
والكذبه اللى صورت فلم دبلاج=جت في مساحتها وجت في زمنها
تفننوا فيها بتأليف وإخراج=وبثوا دعاية عشرة أعوام عنها
وأنا على مسراى والنور وهاج=آمر على مايطلع الفكر وأنها
دنياً بحر تسطفق فيه الأمواج= ولافيه مخلوق حياته ضمنها
الناس مهما كان للناس تحتاج=في مالها في جاهها في محنها
ناس تصير بساعه الضيق مخراج=ومن حدته سود الليالي زبنها
وناس مراجلها سواليف وإزعاج=لا فايده فيها ولا خير منها
والرجل له كلمه ومبدأ ومنهاج=ضريبته لا بد يدفع ثمنها[/poem]

__________________