السلام عليكم ورحمة الل وبركاته

الاخ إبن الأروق الله لا يهينك على الموضوع واسمحلي ازيد شويه من عندي...


محمد بن رثوان ال روق له قصيده ووقعه مشهوره :- مفادها ان بنت صباح بن سعده ال روق قحطان كانت عند ابلها عندما اغار عليها قوم واخذوا الابل .
وكان محمد يعشقها وهي كذلك والعشق عند ابناء الباديه نظيف وخاصه في تلك العهود وكانت عشقا لادغل فيه فدبرت القوم عل ابلها فلما لحق ابوها شاوع الخيل وهم قد دبروا على الابل فعقر بالاول وطرح الثاني واخير كثروا عليه وكان يقاتل بسيف ورمح ولهذا كسره احدى الرماح فحملته ابنته وظهرت به في اعلى كثيب من الرمل بجانب المعركه .
فلما لحق الفرسان من قحطان وكان عادة العقداء يتاخرون قليلا لانهم يلبسون دروع وخوذ ومعاطف من الجوخ الاحمر وسراويل التومان , فلما رأتهم وكان كما يقال سبعين فارسا شقت جيبها وصاحت باعلى صوتها :_ محمد ياراعي البل محمد ذا اليوم ومثله : فلما سمعها محمد بن رثوان نزع عنان جواده ورماه وعصب عيون فرسه وصاح باعلى صوته .. الهوش يال محمد فصارت النغمه والحد ..( مضيم , مضيم ,مضيم ) وماهي الا ساعه حتى اقترب الجمع وصارت المجالدة بالسيوف كما تتحدث القصيده ومن هنا فكت قحطان ابلها بعد ان كسر جواد بو رثوان وعوضه خالد بن مجري بن ذيبان جواد اصيلاا من القلايع ..

ومحمد بن رثوان هو صاحب الاحديه وهي له ولمثاله في هذه المواقف ...

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
ياطير ياللي فوق فوق = ياللي ترفرف بالجناح
الحق مع اولاد بن روق = عشاك من روس الارماح[/poem]

قال في قصيدته الطويله التي منها :-
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
انا هاضني في الظهر صياح ريبه = ومال غدوا به ذاهبين الحمايل
يامرقب الخفرات لعلك الحيا = يجيك من نو الثريا مخايل
حيثه نطحني فيك بيضا عفيفه = تنثر على الامتان سمر الجدايل
تزهم وتنخى في رجال القبيله = من حب ذود لبسوها شمايل
تقول ذودي يامحمد غدوا به = اللي لهم شهب السبايا رحايل
الصوب الايمن شبوا النار دونها = والصوب الايسر ماكسب له جمايل
حلفت ياذودك مايروحون به= الا ان راسي من على الخيل زايل
اخاف من هرجت وسط مجلس= اليا سولفوا مابين عي وعايل
ابوكم قوم ماعرفتوا وسمها = وسومها على جنوبها دلايل[/poem]

ومن قصائده في حصانه :-
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
غوجي طويل الساق كن اصطفاقه = ياشبه عتقي السمارا عنازي
ادهم جثيل الذيل كنه قطاته = حذف المطاوي في يد البزازي
يدنى لبو هيف زبون قواصر = يوم السبايا دوبها الاخزازي
حنا ندوف مثلث الملح = لاجو غراد مع الحوازي
نبغي الي جا من عدوه ضده = نرميه باللي رميها نوازي [/poem]
وسلامتكم

اخوكم
سعيد المهداني