فالعشي بادي عالي النفود && لا سقى الله علينا مراح له
يوم جيته فجن العبار وروود && دمعتي فوق الاوجان منهله
اشرب الماء وكني يرده عـود && واتصبر وكني على ملــه
كن في صدري عج ورجف رعود && في مقاديم صيف على حله
زاع قلبي كما زوعة البارود && وفاح صدري كما فوحت الدله
وياوجودي على بو العيون السود && وجد من طاح والجيش قد زله
سعد من هو خبر صاحبه موجـود && لو كسير ونصبر على شله
جاب علم لنا الطارش المقـرود && جعل موت خذا الناس يندلـه


هذي قصيدة الشاعر محمدبن فهاد ال بريك الدوسري الله يرحمه من اهالي وادي برك وقد رديت علي من ادعاءه لغيره في حينه وحذف الرد القصيده ليست بالقديمه وابناء الشاعر علي قيد الحياة الله يمتعهم بالصحه والعافيه ولا ادري عن سبب المغالطه والتشكيك في خبر يقين هل هي لك مثلا كل اهل المنطقه يعرفون قائلها ومن هي فيه وكذلك الطارش الذي نقل الخبر الحزين لشاعر