اقتباس:
المشاركة الأصلية كتبت بواسطة السعيدان
قصة زواج ابو زيد الهلالي!!
السلام عليكم ورحمة الله وبركاته
ردا على الأخ علي بن شداد وللعموم
في البدايه ابي اتكلم عن قصة الحب اللي حصلت بين ابو زيد الهلالي واسمهالحقيقي (سلامه) وعليا واسمها كامل عليا بنت الشيخ جابر العبيدي من آل عايذ أولاحداث القصه يوم شاف ابو زيد عليا اعجب فيها وجن جنونه انهبل جمال وجسم وبنت شيخ قال في نفسه ماخذها ماخذها بس العقبه الوحيده قدامه ان شيخ بني هلال مانع شباب بنيهلال ما ياخذون الا من بنات بني هلال (وطبعا عليا بنت الشيخ جابرالعبيدي )راح لأميرهم(بني هلال) واسمه حسن بن سرحان وطلب منه يسمح له يتزوج من عليا
عرض فكرهالزواج من عليا على الأمير رفض الامير واصر ابو زيد ألا يتزوجها وقال للأمير انت بس شفها وتعذرني رفض الامير وارسل ناس يشوفونها ويوصفونها له جوه المراسيل ولا مدحوها له يقولون نحيفه ولاهي على وصف ابو زيد
رفض الامير مره ثانيه وكرر عليه ابو زيدوطلبه انه يروح يشوفها بعد كثر الالحاح قال الامير بينه وبين نفسه ليه ما اروح اشوف اللي خذت قلب ابو زيد وابو زيد معروف عنه انه فارس ولا يفكر في الزواج ولا يفكر انه يجي له عيال ابداً
ابو زيد كان يوصف عليا عند الامير حسن بن سرحان يقول عليا إذا وقفت من اوسط البنات بالطول وإذا جلست تكون اطولهن ( يقصد بكلامه أن فخوذهاكبار إذا جلست ترفعها ) راح الامير يشوفها واخذ معه واحد اسمه ابو العلا وكانالامير راكب ناقه يوم شافها انبهر من جمالها ما يدري يمشي في أي اتجاه بالعربي ضيع نزل من ناقته وراح يمشي ويردد قصيده يقول فيها :
ابا العلا قدلي مع الدرب ناقتي = بحسناك والا ناد لي من يقودها
قولو لطراد الهوى يطرد الهوى = وانا كفيلك عن بلاوي حسودها
يقولون لي عليا نشاش دقاقه = وانا اقول ريان من الغي عودها
ان وقفت دق العسيلي بوركها = وان دنقت ما رده الا نهودها
قولوا لأبو زيد ياخذها
العسيلي هو نوع من الجلد المقوى على شكل حزام وسيع على شكل حجل في الوسط ويقصد بالبيت ان وسطها ضامر مافيه شي يرد الحزام
تزوجها ابو زيد
وانتهت قصة عشقه مع عليا بزواجه منها ,,
هذا وسلامتك
|
بيض الله وجهك يالسعيدان على هذا الرد الذي نعتبره بداية طيبة وموشجعة لهذا الموضوع الحيوي .. وأود أن أضيف أن هناك من يقول اسم أبوها محمد وأنت ذكرت جابر أيهما صح حسب رأيك ؟.
تقبل تحياتي