هذه القصيده لي واتمنى ان تحوز على رضاكم وهي قصيده غزليه:
[poem=font="Simplified Arabic,4,blue,normal,normal" bkcolor="white" bkimage="" border="solid,4,deeppink" type=0 line=0 align=center use=ex num="0,black"]


بري حالي بري عيدان مسواك البشام ............ يوم وادعتك وفي صدري من الهجر ونه

ما ارتويت ولا تهنيت يابدر التمام .................. والله ان فرقاك نار وشوفك روض جنه

جيتكم من نجد عاني وذابحني الغرام.............. صامل والصامل السر في صدره يكنه

على الوعد عطشان ظامي وحاديني الهيام........ ماعلي لو دونك عصابه وعشرين دنه

كم تمنيتك ومليت من كثر القيا م .................. والهواوي تعرف ان الليالي يجرحنه

ودي اسمع همس صوتك ومعسول الكلام...........ليله عندي تساويلها دنيا مر نه

ليله ما شوف غير انت في جنح الظلام.............ومن بعيد اشوف رجم تعلا فوق قنه

طاب كيفي يوم شفتك ورديت السلام.......... وفي نظر عينك حنان الهوى سحره وفنه

والرموش اللي ظليله كما حد السهام............ تجرح القلب وتزيده على الونات حنه

من شرب من خمر حبك حرام ماينام..............ساهر الليل والنجر في الظلماء يدنه

كامل الاوصاف من روس عربان كرام........... حزه الميقاف حوض المنايا وردنه

حالف باللي فرض حج مكه والصيام.......... انك بقلبي مادام العرب شيعه وسنه

يادواء قلبي وطبه على الدنيا السلام.......... يوم وادعتك وفي صدري من الهجر ونه[/poem] وسلامتكم الشاعر/ بندر الحبابي (بليهان)