[poem=font="traditional arabic,6,#006699,bold,italic" bkcolor="#ffffff" bkimage="images/toolbox/backgrounds/8.gif" border="double,6,#33ccff" type=1 line=0 align=center use=ex num="0,#400000"]
من فيض هيض وهاجسٍ يجهش الجاش=هيضني وعبرت عن ما طرالي
واللي طرا علمٍ يبي شرح ونقاش=وابلغ جوابٍ عند طرح السئوالي
سهيل غير سهيل ما عاد منهاش=نجمٍ طلع مع النجوم التوالي
والا الجدي من يقتدي فيه ما انداش=نجمٍ على القطب الشمالي يلالي
وان صار في بعض المحطات شواش=اشر ذراع البوصله .. للشمالي
واللي سبق بالقول ما عاد خلاش=ما للحمول الا ظهور الجمالي
قولٍ على فعلٍ وقولٍ على ماش=ما تحتك الا غترتي يا عقالي
واللي يجي ببلاش يروح ببلاش=لا هوب لا مكسب ولا راس مالي
والمدح للي بالمواجيب شواش=اللي يحل معقدات الحبالي
( محمد ابو خشيم ) مسرى ومغباش=تشكر مساعيه كريم السبالي
وتبنى له البيضا من الطاش للطاش=عند المشطر والقريب الموالي
مواقف الابواش من دون الأوباش=هذي براهيني وهذا مقالي[/poem]