أمشي على وضح النقا رافع الراس=متجنًبٍ كل الطروق المذلًه
أمشي على وضح النقا رافع الراس=متجنًبٍ كل الطروق المذلًه
أمشي ومشتني عروقٍ لها ساس=متسلسله من عود للحمل شلًه
من لابةٍ تاريخها صار نبراس=نوره على روس الجبال المطلَه
تاريخ ماتكتب حروفه بقرطاس=ينقش بحرفٍ من ذهب في سجله
حنا مع الجيران عزٍ ونوماس=ومن هو وقف معنا ترانا هلن له
أولاد روقٍ وقتها رافعت كاس=يومٍ نها متحلحله كل حله
ضحت ببن ضاري زعيمٍ به الباس=من رمح مسعود ألمساعيد غله
لهم فعايل مغضبه بعض الأجناس=ماودي أكتب لكن العل عله
حنا هل التاريخ من قبل جساس=في صفحة الأيام نكتب بجله
حنا الجحادر ..ياقف العلم ياناس=نجدٍ حمينها سنينٍ مزله
حنا الهوى في نجد وإن شع مقباس=تفتل بها أشنابٍ وللسيف سله
وحنا من اللي لا خنا كل خناس=نلطم على خشمه وخشمه نذله
لا تفتح التاريخ وتصير عساس=وتاريخكم معروف والله لفله
أنا على التاريخ دايم بي إحساس=أقراء تواريخ القبايل وجله
لا يقتفيني واحدٍ مدمي إظراس=والله والله لاتبعه مثل ضله