[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حسبي على عاداتنا والتقاليد=حبيبتي حطّت على اللول شيله
كنت آتسلى فالجواهر تراديد=واليوم نور الصبح غطّاه ليله
لا الدين يامر به ولكن مناقيد=شوفة وجيه الغيد عند القبيله
صارت على العشاق والغيد تعقيد=في شوفته مابين حيله وحيله
والله يآشوفتك يالريم لي عيد=اليا ابْتسمتي ضوح برق المخيله
وانهلّت مْزون المحبة على البيد=ريقك ملاها نرتشف سلسبيله
من شان نظما من قريّب على حيد=ريضان حبك واكتست بالخميله
وْعيونك النجلا غبنتي بها الغيد=حتى قلوب العشق منها قتيله
والخد باقة ورد باقي ولايْبيد=ينشمّ عطره من مسافة طويله
واللول الاخر زان من فرعة الجيد=اليا نثرتي من وراه الجديله
والنحر من رمانتينه بدا يْزيد=وحب الزبيب بْروسها يشتكيله
والخصر فوق الشبر لاقيل تحديد=والكف كفي قفلتين الكميله
يالريم في وصفك لو اقول واعيد=تضعف حروف الشعر عند الجميله
ماتذكرين الذيب سرحان والصيد=اليا قنب فالضلع يلقى حصيله
والعطفة اللي خلف نار وبواريد=والفارس المغوار فوق الاصيله
ياما تذوّقنا عذوق العناقيد=والصيف بارد والظما في صميله
تكفين حطّي عذر لاجل المقاريد=مايظلمونك في سلوم القبيله
قولي : ( ليا شفته نسيت التقاليد )=من شان اشوف اللول من دون شيله[/poem]