اقتباس:
|
المشاركة الأصلية كتبت بواسطة قريشي وخاله سليماني
بسم الله الرحمن الرحيم
يقول المثل ما تعرف خويك لين تخاوي غير
هذه الابيات اهديها الي كل من
سعود بن عبد العزيز السيف
سعود بن حسن الدوسري
مهدي بن هزاع ال رشيد اليامي
وسعيد بن على آل سالم الفهري
ومجري بن سليمان الحربي
اتمنى ان تنال استحسانكم ورضاكم
اقول وعماركم تطول
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
طلبت الولي يالله عليك اتكالي=عليك اتكلت وبيدك الخير كله
تغفر الذنوب المبطيه والتوالي=وعلى خير يالمعبود عبدك تدله
تهيضت والمعنى على ما طرالي=وبنات الفكر في خاطري مسفهله
ولشعر وزن وقاف مثل الريالي=وما ينقبل لا صار في البيت خله
ومعنى يزيد الشعر ذوق وجمالي=وشعر بلا معنى ليا جاك خله
بعد خوة اهل الطيب يا بري حالي=بعدهم حرام ان الوظيفه ممله
بعد خوة سعود الرفيق الموالي=حليم حكيم لهرج ما تمله
لما انك زهمته يرتكي للثقالي=كريم علوم الطيب ماهي تزله
وسميه سعود القرم حامي التوالي=ولد زايد ولثقل حملك يشله
ولما انه وقف يرسي سواة الجبالي=حشى مادخل قلبه شكوك ومذله
ومهدي ولد هزاع منصى الرجالي=يداري خويه ما تجي منه زله
وسعيد خوي (ن) خوته راس مالي=ولا ابطيت نذر لا اصله في محله
ليا جيت بو عساف يستر بالي=يفاولك ترحيب وعود ودله
ومجلس يقلط فيه من كل غالي=وله منزل كل كل النشما تدله
ونعمين يا مجري كريم السبالي=لما اصتكت البيبان بابه يفله
وخويه ليا حدته سود اليالي=مايحسب حساب المال دقه وجله
وعطرت شعري يوم زان المقالي=وعندي على ماقلت صك (ن) وادله
وختام القوافي عد برق الخيالي=سلام(ن) عدد همال نو يهله[/poem]
وسلامتكم جميع |
وانت سالم وغانم جعل عيني ماتبكيك
ارررحب من هنيا الى عندك دبل
صح لسانك وطال عمرك
اولا بالنسبه للشعر شهادتي فيك مجروحه
ولاكن ابقول كلمه طلعت غصب علي عزالله العزيز انك ابدعت
ثانيا وفيت مع اخوياك ولاهو غريب عليك يابو حسين
ولامدحت الامن هو اهل للمدح
تقبل تحياتي ومروري المتاخر فتخبر ايام المطر ينفصل التلفون لانه اصلي ونفسه حساسه
اخوك ابو زياد