اقتباس:
|
المشاركة الأصلية كتبت بواسطة راشد الراشد
[poem=font="Simplified Arabic,4,black,normal,normal" bkcolor="skyblue" bkimage="" border="double,9,indigo" type=2 line=0 align=center use=ex num="0,black"]
الا واهني من هو رقى عالي المرقاب=وقت العصير وفي خلى مرسل نوده
وقف ويتذكر ربعه الي عليهم غاب=والنفس عد للواجيس ماروده
تارد هواجيسي على الخاطر المرتاب=ورد الهيام الي على العد مهدوده
اقوله وانا الي من زمانه خذا ماطاب=ذقت الحلى والمر والغبن واجحوده
عرفت الردي والقرم والنذل والنصاب=وفعل الفتى ينبيك عن سالف اجدوده
فبوصيك ترحم من على شان عينك شاب=ترى بر شيبانك عليك انت مردوده
وصل الفريضة واطلب الواحد التواب=يعينك ليمن غطو القبر بلحوده
وخاو الكريم وجنب اللايم المغتاب=هروج الردى مابين جوفه وجردوده
ولا تاخذ الا بنت شيخ عريب انساب=لا جا ولدها يكرم الضيف من جوده
وانا خاطري من عيشة البر ما قد تاب=وعيني تتوق الشوفت الارض ممدوده
تعال ادهر الضو واشعل النار يا شباب=صماليل سمر ريحة ريحة العوده
وقرب معاميلك ولا ينقص المزهاب=دلال ارسلان والبراريد مشهوده
في صيهد ما ركبو له غلق وابواب=تشوف الخزامى والنفل زاهي عوده
مع فوحة الدلة ونجر لها لعاب=تجيك القصايد والتماثيل مسروده
ترى البر والمقناص هي غاية الاشناب=علاج النفوس الي من الوقت مضهوده
وروحي على كفي ولاني بحسب حساب=وانا خابر ان الامر لله مردوده
[/poem]
|
الاخ العزيز والغالي\\ راشـــــــــــــــد الراشد
أرحب أرحب ملاااااااااااااااااااايييييييييييييييين ياالغالي ولد الغالي وحياك الله ولنا الشرف والله بوجودك ياراشد
وماشاء الله على الابداع حقيقة قصيدة وافيه من رجل وافي وقصيده معبرة عن نفسها
الله الله الله
تــــرى البر والمقناص هي غاية الاشناب ,,,,,,,,,, علاج النفوس الي من الوقت مضهوده
وروحي على كفي ولاني بحسب حساب,,,,,,,,,,,وانا خابر ان الامر لله مردوده
ابداع مميز جدا من شاعر كبير ومميز والشعر معروفين به من قديم الوقت وليس بجديد عليكم
اقدم لك جزيل الشكر والعرفان على ماقدمة ونحن في انتضار الجديد
تقبل تحيات اخوك المحب لكم في الله
أبو صقر الزهيري