[poet font="Simplified Arabic,5,black,normal,normal" bkcolor="transparent" bkimage="" border="groove,4,gray" type=0 line=200% align=center use=ex length=0 char="" num="0,black" filter=""]
علي بن حمري

غزيت لي شاعر ورد الذود=واليوم أدوّر شاعرٍ غيـره
واللي يعرف العلم والمردود=يقبل لحربٍ مابهـا جيـره


سعيد الحمالي

البارحه علم وعليه شهـود=واليوم مالك فالأمر خيـره
إن قلت مرهي ما علينا زود=إجزم وخذ لفـه وتدويـره


علي بن حمري

لاوالله ألاّ جيت يالمقـرود=ليته خذا المرحوم تصفيره
العود لامن حك رأس العو=ديسبي الجمل وترد تأشيره

سعيد الحمالي

تبغي الليالي البيض وإلا السود=سبقك قطيب ولا وين سيـره
وإن كان شب الملح والبارود=ما فالوغى كسـرة وتجبيـره


علي بن حمري

زمّتك بندق مالهـا عبـرود=خلّك على القاتـوه والشيـره
وانصحك لا ترطن رطين هنود=مغير انا ويّـاك فـي الديـره


سعيد الحمالي

إتجر وخلك داخـل المحـدود=لا تصرف الـدولار بالليـره
وإن كان هبت بك هبوب النود=سلم على الحرّاب ومشيـره

علي بن حمري

وسط الرياض وجيرة ابن سعود=ما هيب جيرة مسكـب البيـره
كم قلت لك دون الرصاص حيود=يا جاهل النعمان فـي الحيـره


سعيد الحمالي

الليل في وضح النقا المجرود=يا صاحبٍ كثـرت معاذيـره
يا شعيل باقي لك ثلاث ردود=ويصير لك رحلة وتسفيـره


علي بن حمري

وضح النقا في الليل ذي منقود=راحت على نـوّاز كشميـره
امّا سوالف خبش مابه فـود=وألا ابن برمان اخلفه طيـره

سعيد الحمالي

العلم جابه حاوي ومـردود=وأنت إلتمست وصابتك غيره
ما قدمك إلا ريعك المسدود=ومن خلف شبينا لك النيره


علي بن حمري

ادبل حمول الغزو يالمضهود=ما ينفعك في العلم تزويـره
يحميك قولة ضلعنا الممدود=تذبح مناهيلـه مناصيـره


سعيد الحمالي

إن راحت علومك سهود مهود=بانت عليك وجالهـا سيـره
وإن كانها راحت لعاد وهـود=العـود غاليـةٍ مكاسـيـره
[/poet]

ولكم تحياتي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة