........ (الــــطـارق ) .........
السلام عليكم ..
وأسعد الله اوقاتكم ..
للتواصل أهدي اليكم قصيدتي المتواضعة "الطارق " اتمنى ان تحوز على استحسانكم ..
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يسوق الليل .. نور الصبح .. وباقي شوي من خمره = تواعدنا من البارح .. وبـاب الصبـح لـه طـارق
لفاني يسبقـه نـوره .. سنـاه .. وباهـي الغـرّه = الفجر جا منّـا .. ومنّـا محيّـا وجهـه الـشـارق
وانا وأيّاه .. وعذب اهيامنـا ..وارضـاه .. فـي غمـره = وردنا حوض سجّات الغـرام .. وشهـده المـارق
اثـاره لأول البـارح .. يواكـل همّـه بحـسـره = لخشمه .. واصل ٍ حدّه .. وينّس بالحشا حــارق
وذاب الصمت بشفاهـه .. وبحّـة صوتـه ونبـره = ولا عاد احتملت أصمد .. لنظـرة طرفـه السارق
يبي يعتب .. ويتشـرّه .. تحمّـل .. وافرغـه صبـره = وتطوّت بين اصابيعـي .. صوابـع كفّـه العـارق
ودنّق يحبس ادموعه.. تحنـّق .. واجهـش العبـره = وتنـاثر والتبس ليل ٍ علـى متنيـه .. متفـارق
خذتني في بكـا عينـه .. وقلّـة حيلتـه .. نعـره = وصحت بصوتي العالي ..عساني في دمـي غـارق
فديته .. من حياتي لـه ..وأخذتـه موتـه وشـرّه = رعود ارضاه تجبرنـي .. دعاهـا بالزعـل بـارق
عليه اخشى شياطيني .. على مـا يملـك .. تغـرّه = ماغير اسمّي بسـم الله .. لزهـرة غصنـه الـوارق
شحيح الفـمّ يـا ويلـي عليـه إن بلـّل الجمـره = ما بين الطيب وانفاسه ونفحـة ثغـره .. امـزارق
تعالى من كساه الحسن .. واجزل في العطـا بأمـره = نباهـة ٍ وقـوّة حـدس .. وغِيـره .. والذكـا خــارق
صباح النور يا ساقي صباحي مـن بعـض خمـره = يمنّي المقبله صـبـح ٍ يضيّـع بابـه .. الطـارق
[/poet]