هذه قصيدة اهديها لقحطان العريبة
يا[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لله ياالمعبود ياقيومي = يا كاشفا عن ظلمة المظلومي
ياربنا مالي سواك ادعيله = لي جانهار لاطم وملطومي
يا رب مالي غيرك استنجدبه = وانت الكريم وناصر المظلومي
اهم هم كل هم همه = وكل مهموم هم زود همومي
الهم عيا ما يخارج شره = همي على الخطة يجي مرسومي
هم كبير صابني وابليته = ماسك سرى في مستهل قدومي
لاجيت باتريح وناخذ فرصة = بادر كسير الحظ بالهجومي
وذكرني بوقت كفى الله شره = والله قدير وحاسم المحسومي
ياحظ وشبك ناشبا في حلقي = كني ذبحت ابوك يا مذمومي
والناس مدري وش بلاهم تكفى = غدو عدو الطيب المشرومي
اللي معه مال تراه مقدر = واللي بليا مال ماله قومي
ياالادمي وشفيك كنك ابله = الخلق يفنى والاله يدومي
ما ينفعك ياكود علم طيب = وعلم الجميل مقدر محشومي
وطاعتك ابوك وطاعتك في امك = والبر والصلاة معها الصومي
واهل الهوى نصيحة جنبهم = وبع سهمهم باقل وابخس سومي
خذ تجربة من تعب في ملعبهم = درب عسير ومدخله مزحومي
كل تغزل في حبيبه حتى =لو وجهه اقبح من وجيه البومي
وابعد عن اهل الحسد واهل الغيبة= واللي سوالفهم ماغير لحومي
وابعد عن الكذاب لاتامن به = حتى لوانكم يا الحبيب تومي
انا معي لابه ونعم اللابه = لا سمعت الصايح يجون قدومي
انا اشهد انهم عز فخر وهيبة = وانا اشهد انهم للعداة سمومي
لا قلت قحطان العريبة قامت = يقومون قومة واحد ويقومي
مافيهم اللي لانخيته يرجع = ولا فيهم اللي من الوفا محرومي
ربع الا من جيت بامدح فيهم = اتعب وانا اكتب صادق المنظومي
يحق لي افخر بربعي وافخر = يوم ان ولد اللش ماله قومي
تلقى ابن قحطان المعرب شامخ = تعبت عليه امه وهو محزومي
يطلع شجاع وافي ومعبر = وجمايله لو تنحسب بالكومي
فالبر سجاته مع طلعاته = ومن تحت رجله جيبه المقطومي
ما يحسب الدنيا حشا لوانها = لو ما معه قوته لذاك اليومي
لاقيل له تكفى يقوم ويقعد = ولو ان في تكفى اجل محتومي
وجاره فلا يرضى بذلة جاره = جاره اخوه مقدر محشومي
حميته تلحق بكل اقرابه = وربعه ومن هو لازم ملزومي
رجل حكيم وما يحب الزودة = واشنى الذي يشنى هذا اللي يزومي
لامن لفاه الضيف رحب رحب =وترحيبته تكفي عن المطعومي
بيته فلا يخلا من الوصاله = هذا ورى هذا طوال اليومي
بيت الشعر والمدخنة والدلة = وعود القرض جال الصلل ملمومي
وصوت النجر ياخوك صوت يطرب= ومثولث معه الصدى مدعومي
يالعنبو من لامني في ربعي = ربعي سواة البدر بين نجومي
قحطان واسم لاسمعته اطرب = كني مشغل غنية ام كلثومي
كم واحد منوته وانه منا = وانه ولد قحطاني الملزومي
لو مامعه منا سواة الخوة = يفرح بخوة فرحة المظيومي
وحنا القحاطين الذيابة حنا = كبيرنا من بيننا مخدومي
وحنا الامنا صعدنا القمة = نصعد وكل فالسهول يعومي
وحنا الامنا وعدنا نوفي = وعد صدوق صادق متمومي
وحنا الامنا ضربنا نوجع =عدونا يبطي يجيه النومي
وحنا الامنا صبرنا نصبر =صبر الجمل لامن يريد الصومي
وحنا الامنا بغينا نقدر = بقدرة اله واحد قيومي
وحنا الامنا قدرنا نعفو = ونصفح عن المخطي لاجا مهزومي
وحنا لنا التاريخ اكبر شاهد = يشهد لنا التاريخ بالمعلومي
وحنا فعايلنل كبار جدا = واقوالنا مثل السيوف حسومي
مهما القبايل واجدة تتفرع =من كان قحطاني بنا ملزومي
واخر مزيه واعتبرها الافضل =ما نحقر الرجال فالملزومي
وما نقدر الرجال لجل فلوسه = اغنى غني وافقر فقير تومي
ياللي تعذربنا علامك ظالم = تراك يا الطيب بنا متمومي
ولا كل عذروب ينقص منا = حنا سواة الصقر يوم يحومي
ولا كل طاير يا الحبيب يجلب = فالصيد يا إما حر والا بومي
يقولها شاعر عديم وصفه = ولسان شعره بالفخر موسومي
البيت لامنه لفا من احمد = ولد ابن شفلوت وجا مختومي
ختمي عليه موثقه واعرف له = وابيات شعري شاهده بعلومي
لا جاك مني بيت فانتبه له = واحذر تخالف منهجي وعلومي
من لاهب بين الضماير عيا = جافا عيوني عن لذيذ النومي
وختامها صلوا على سيد البشر = اللي عصمه الله وهوو معصومي[/poem]



وسلااااااااااااااااااااااااااااااااااااااااااااااا اااااااااااااااااااااااااااااااااااااااااااامتكم
واعذرونا علة الاخطاء الاملائية ان وجدت


احمد بن جبران بن محمد بن شفلوت القحطاني