هذه القصيدة في الشيخ عبدالهادي أبن فزعان وعندما أقول شيخ فا أنا أصنف الشيوخ الى ثلاثه أقسام
وهذا من وجهة نطري
1ـ شيخ قبيله
2ـ==== فعل
3ـ==== يجمع ماذكر أعلاه

وعبدالهادي أكثركم يعرف علومه

[poem=font="Simplified Arabic,6,white,bold,italic" bkcolor="transparent" bkimage="backgrounds/36.gif" border="double,6,orange" type=2 line=0 align=center use=ex num="0,black"]
صلوا على النبي
********
كل حرّ مطلق نسمع علومه=فوق هام السحب له ذكر وطاري
راكب اللي ماركبته بس أسومه=جيب لاندكروزر شيخ الصحاري
فلّ فلّ أبشن عديم في رسومه=ماتعذب بين بياع وشاري
صدره عبدالطيف وجت رقومه= في كشوفات الوكاله ملك جاري
أبيض فتحه جناح وبه نعومه=في الغدر واضح كما لمبة سهاري
لاخذا رجم تزايد في عزومه=ماتروض في المدينه والحواري
منوة اللي لاتوالت به همومه= دق سلفه ماطلب خوة مشاري
نصه اللي سمعته ترفع سهومه=في قرارة نجد له صيت ومواري
ذاك أبن فزعان من يجهل وسومه=ينعرف عند النشما بابوا ساري
شيخ فعل له على الطالات حومه=مثل حوم الحرّ من فوق الحباري
له تراحيب تقلدها خصومه=فرق مابين الوكاله والتجاري
لانخيته نخوة يوفي لزومه=لوّيسيل الدم من روس الشباري
والله أن يحذف على المطلق هدومه=في مواقيف الشرف ويسير عاري
شيخ يمنى جعل ماهي بمعدومه=يوم بعض أشيوخ خلق الله كباري
ذا الزمن ماينفع الشيخ وختومه=كان ماكفه على الطالات ضاري
مثل أبوا ساري حياته قوت يومه=مايبيع الجود من شان المصاري
وافي بطيب مايخلف سلومه=مجلسه بالعود تذراه الذواري
جعل من هوا في مواقيفه يلومه=ياكله خشم المظلع والسواري
الطلاقه ماتشكلها حكومه=لاولا الحزب اليميني واليساري
مايشكلها المطول في كمومه= من يحب البيض والرز البخاري
مايشكلها سوى كف جزومه=لاتكل ولاتمل ولاتداري
هاضني للشعر برق في تنومه=به تذكرت الكريم وجيت ساري
ماطمعت بمدت الكف الرحومه=الطمع في رحمة المولى شعاري
ياسلام الله على حرّعلومه=في قرارة نجد له صيت وطاري
شعر/علي البورعي[/poem]