ماجد وقلت الاسم طابق مسماه ..أبومحمد وعقبي يالشدايد
حر بوكره والمعالي تمناه..يشمخ بشم النايفات الهوايد
حتى المراجل ودها لمس يمناه..وعن النواقص شام والفرق كايد
مثل البحر يعطي بليا محاداه..ربان سفن العز ياخير قايد
لاباس لاصار العمل كل مبداه..ثقل الامانه والسهر والسهايد
بعيد شوف ونظرته تسبق خطاه..حكمه ودبره ماعليها نقايد
وسام الشرف ناله بليا مساواه..وفي صدره علوم الشهامه قلايد
لاتستحي ياحرف هذا محياه ..قل ماتبي مابين ناقص وزايد
يالعريدي ياسند كل من جاه..لاقلت ابشر ماعلي جهايد
أبومحمد طاب اصله ومرباه..وعندالعرب معروف قحطان سائد
وعند القبايل شانهم عالي الجاه..فريس ماتلوي ايديهم صلايد
بأرض الوغى قحطان يبصم بماطاه..مبطي وعلمه من زمان وجدايد
هذا وحرفي تل جرحي من اقصاه.. وانزف على سمل المواجع قصايد
ماكني اللي تاه من كثرة أرياه..اركض ولابي يالسنافي فوايد
ماغير ألملم باقي حطام ويلاه.. بأقصى المحاني العوج شبت وقايد
ماغير اهوجس من عظيم المعاناه..واقهد كما طفل بزمان المهايد
وياليت ياقلب كما الصاج حلياه..جمر الشقى يخفيه تحت السمايد
ماغير أعن وداخلي طاب مرماه..لسهوم وقتي والعنا صاد صايد
وهذا الورق مابين غدر من الماه..بأكرم كفوف ماعليها نزايد
ومثلك ترى ماضني الشوف يخفاه..وهذي تجاعيد الزمان الفرايد

يستاهل المدح من يفعل الطيب