[poem=font="ms dialog,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
ياراكب اللي عاشق البر يشريه=يسهج به اقفار الخليّ الرحيبه
امقفصٍ بيض القراطيس كاسيه=لون السُحب من لون بديه قريبه
كن صوت ويلاته ليا قمت تعطيه=عوي الجويع اللي يروّع قنيبه
يسعى من المغرب وخابت مساعيه=اصبح وعوّد للطويله بخيبه
وكن اهتزازه فالعتش تحت راعيه=مثل اهتزاز اللي مريفٍ خبيبه
خيّاله ارخى في عنانٍ يلاويه=يوم استوى دربه عل ارضٍ صليبه
امع الوعر مافيه موتر يجاريه=امصممينه للدروب الصعيبه
في مُقدم الكبّوت تمثال زاهيه=معطيه من بين السيايير هيبه
اتقول نيشان ام شعله يشاديه=يوم المبندق حاكمه فالضريبه
عزي لمن يبغاه والفقر حاديه=من خلقته ماطبّت الزُرق جيبه
ياراكبينه والله ان ودّي اشريه=بس الرصيد اللي معي مايجيبه[/poem]