الحُــر والـــديك
[poem=font="arial,6,black,bold,normal" bkcolor="transparent" bkimage="" border="groove,1,black" type=2 line=0 align=center use=ex num="0,black""]
الحُر مايسكن الاّ برؤس ضلعانه = ومخالبه فالهدد تدمي مضاربها
طبعه على طبع ابوه وطبع جدانه = لأدوا على الجزلة من الصيد جاك ابها
متربي هو وابوه بوكر شيهانه = غير الوكور الرفيعه مايحط ابها
والديك يذن وتسمع خبط جنحانه = حضيرته طول يومه مايغايبها
يمط عنقه اليا جا يرفع اذانه = وصلاته اللي يصلي مانحس ابها
ريشه كثيف ويزها جملة الوانه = وجنحانه طوال لكن مايطير ابها
أمه دجاجه وابوه وجملة اخوانه = ديوك ماتدمي الصيدة مخالبها
إليا ربض ربّضوا الباقين بوزانه = وأردى الفوارس الياجاها يسحّبها
ماجوبها القدر والا مالها خانه = في مطعم عند طباخ يقالبها
[/poem]
__________________
[poem=font="Arial,5,black,bold,normal" bkcolor="transparent" bkimage="backgrounds/11.gif" border="outset,4,orange" type=0 line=0 align=center use=ex num="0,black""]
انداري الناس ونحاول نراضيها = وغير المشاريه ما خذنا ولاحاجه
[/poem]الشاعر/ سلطان بن بتلاء