مساجلة /ياماجد البحر موفق الشليخي و ماجد بن شارع


يــامـاجـد البحــر مـاكـل ٍ وصــل قـاعــه
إلا خــبـيــر ٍ يـعـــوم ويـطــلــع الــدانـــه



واللي يعــرف الســلــوم ويحـفظ وداعـه
الطــيــب ورث ٍ لبــــــوه ورث جـــدانــه



والضرس لوجعك لاتصبر على أوجاعه
دواه قلـــعـــه ولايقــعــد مـــع أخــوانــه



ودكـتـورك اللي معه شــنطه وســماعـه
إن كـان ماهــو اسـتشـاري خله وشأنـه



وكـم نـــاس عاشـت بدنـيـاها وملتـاعــه
وصــدوف بقعــاء تحــداها وشــقيانــــه



ونــاس ٍ تـعيــش الرفاهــيات بالسـاعـه
ونــاس ٍ تـبــات ألليــال السـود جيعانــه



وناس ٍ مشت في دروب أبليس وأتباعه
فـي معـصـية ربــها وأبليـس وأعـوانــه



ولا لكـل شـيء تقــول السـمع والطاعـه
إلا لطـاعــة عـظــيم الشــأن ســـبحانـــه



موفق الشليخي


ياموفــق البحــر فـيه أرزاق وطـماعــه
والســوق فــيه العرب رابح وخسرانــه



واللي جهـل في سـلومه يطوي شراعـه
لوكان جــده شــجــاع ويتـعـب حصانــه



والضـرس هيــن على الدكتور مقلاعـه
والعــــين ماتـنقــلع لــوكــان عـــميانـــه



وكـم نــاس عاشت مع العربــان بتاعــه
لوكـان هـــمه وسـط دمـــه وشـريــانـــه



يـكتـم هــمـومه على اللي دوم قـطاعــه
قـطاعــة الســــاق لامذهـب ولا خــانــه



ويابن الشليخي ترى اللي عنده بضاعه
وش فــايـدتــهــا إذا مـافـــك دكــانـــــــه



ونــاس ٍ على أبليس شفقانه وطماعـــه
يرقــص لها أبـليـس قبل يعزف الحانــه



والطـير لامــن كفـخ يعجـبـك مطـلاعــه
ويعجـبك سيـــل ٍ تحــدر شــق وديـانـــه



والنــفـس للـــرب طـواعـه وخـضـاعــه
وأخــاف من نــاره وطمعان في جـنانـه



ماجد بن شارع