قصيدة ارتجاليه


ياللي عقرت القلب ياليتك اركيت

-----------ونحرت قلبن مايدور بدالك

ولاتعذبني وانا تو ماشفيت

----------وعيني تسامر كل ساعه خيالك


ماهوب حقن تفرحين الشماميت

------------وانا عليك ادرى وطمع بوصالك

ماغيرك اللي وسط قلبي تعليت

---------ولاغيري اللي في زمانك صفالك

ياما زعلت اشخاص لجلك ولا ارضيت

--------وسلمت لك قلبن ماغيره سمالك

واليوم اناديلك ولا كنك اوحيت

--------ياناكر العشره وللغدر مالك

طويت صفحة ما مضى عنك واقفيت

------وابعدت جالي عن مكانك وجالك

وقطعت حبل الوصل عنك وسجيت

-------روح مراح مقيط والشين فالك

عيفتني حب العذرا ومليت

---------اخاف اصادف واحدن مثل حالك

انشهد ان الحب زفرة تناهيت

---------قيس الملوح بنشدك وش جرالك

قال الهوى يالعاصمي منه جنيت

------- انحش بعيد وعنه نوخ جمالك

ياما علشانه تعبت وتشقيت

------ وان طعت شوري لا تزيد بسوالك