[poem=font="Arial,5,darkblue,bold,normal" bkcolor="transparent" bkimage="" border="double,medium,darkblue" type=4 line=0 align=center use=ex num="0,black"]
*عبدالله مبارك المشعلي=
عاشت البحرين في ضل الاسودي =ما تزعزعها الرياح الموسميه
سادسة ستٍ على ظهر الوجودي=من منارات الخليج اليعربيه
،=،
*صالح مبارك المشعلي=
دونها درع ولاعنها صدودي=وان دعاء الداعي تكمله البقية
لين يركع كل شيطان مرودي=العميل اللي على عشرين نية
،=،
*ذيب سعيد المسعودي=
ياكبير الفرس ابوقلب حقودي=خذ نصيحه بعدها الذمه بريه
الخليج اليعربي دونه نذودي= لاتشب النار وتصير الضحيه
،=،
*خالد بن مرضي بن غريز المسعودي (شيال)=
كلنا في ساعة الواجب جنودي= والنصر من عند خلاّق البريه
الحسد راعيه والله مايسودي = والاذا راعيه يبشر بالإذيه
،=،
*عبدالهادي سعيد المسعودي=
ياحمد جوك الفهود ابنا الفهودي=كل منهم يصتلي رأسه حميه
عزك وترقابهم عالي سنودي= ينطحون الخصم بعزوم قويه
،=،
*حسن بن سعيد المسعودي=
في طلبكم وجّــه الجمع الحشودي=يمن الجيران ويحل القضيه
جاتك القوات والجيش السعودي=فوج بن لبده حرار صيرمية
،=،
*سعـــد سعيد المسعــودي=
زلزلت زلزالها مثل الرعودي=و أقلعت بالموت فوق الجاذبية
و أرهبت سود العمايم والخدودي=وذكرتهم وقعنا في القادسيه
،=،
*عبدالرحمن بن سعد المسعودي=
كل صنديدٍ على الواجب صمودي= لين تطفى نار حربٍ الطايفيه
نردع الغلطان ونقيم الحدودي =ونهدم افكار الضلال الفارسيه
،=،
*محمد بن سعيد المسعودي=
نشعل النيران ونشب الوقودي=في وجيه اهل الحقد والعنصريه
كلنا لاصار ما نحمى الحدودي=ايش نبغى بالفشق والبندقيه
،=،
*غيث بن سعيد المسعودي=
حن على الميثاق ماخنا العهودي=مرحبا في الموت ولافي خويه
وحن على العيال سم للكبودي=عشقنا للموت عشق العامريه
،=،
*هايف العطاوي العتيبي=
نارنا تقدح مثل قدح الزنودي =في وجيه الطامعين الفوضويه
نصرت الاسلام في كل العقودي= نعبد المولى وتبّاع لنبيه
،=،
*خالد بن نايف المسعودي=
يشهد الله والملا بعده شهودي=ماتفرقنا الاشاعات الرديه
ياهل البحرين وافين الوعودي=لجلكم نارد على حوض المنيه[/poem]