[frame="7 80"]هذه القصيدة ألقيتها في حفل الشيخ الهيضل شيخ الدعاجين من عتيبة كما تشرفت بقبول هديته من منقية الشيخ العرم الحاصلة على المركز السابع في مهرجان ام رقيبة [/frame].
[frame="1 80"]ســلام مـنــي لـلرجـــال المــسميــن ،،، روس الرجــال اللـــي ترد الطـوابير
ويسعد مساكم يا ضيوف العدعاجين ،،، في ديــرة اللـــي يكرمون المسايـير
الضيــــــف لا جاهم يقلــط بعارين ،،، عقب الخلاص وعقب صفر المباهير
ودخــيلهم ما حصـــلـوه المعـــاديين ،،، يأمــن ولا يلــحقه ضــيم ومخـــاسير
وقصــيرهم يعطى من الـمـال ثلثين ،،،ويعطـــى مجـــاهيم ويعطى مغاتــير
وخويهم حــقه على الراس والعــين ،،، يحــفظ وفــاه وما ذكـــر غير بالخير
واللي نصــاهم يشــكي الهم والدين ،،، مداتـــهم أثقـــل مــن طويــق والنيـر
وشويــخهم أهــل شــداد ميــــامين ،،، هيــاضل تـروي حـــدود الـــبواتـير
من شيخة مناحي عقود الى اللحين ،،، إمــــارة مـــاهيـــب إمـــارة دنــانيـر
فريـس وشيوخ على العسر واللين ،،، تاريـــخهم مــاهــوب كـذب وتزوير
أهل العـقول اللــي تـرجح موازين ،،، يرســـون لا خفــت ثقــال المـعاييـر
كرمـان يوم (ن) الزمن عادة شـين ،،، خطلا ن الأيـدي مبعديــن المسـابير
مثل الجبال اللي النايفـات المزابين ،،، اللــــي تجــي مزبـان لمقرنس الطـير
وحنـا لفــينا يابــن تــركي ملـــــبين ،،، ولا لفـــينا الا مـــحبـــة وتـــقــديـــر
وجيـــة يا بو خــالد تساوي ملايــين ،،، وسقـــنا علــــى شـوفة كبار التباشير
اقولـــها وانـــا ربوعـــي قحـاطــين ،،، شــــيخة عبــــيدة عـندنا والاشـاويير
هم لابتــي وقت الخــطر والاكاوين ،،، يردون حوض الموت ورد ومصادير
وفي الطيب صارو للمراجل نياشين ،،، أهــــل البيـــوت اللــي تكرم خطاطير
وكل القبـــايل فـــي المراجـل وفيين ،،، ما تـــجـحد فعــول الرجـال المناعير
وصـــلاة ربـــي عد ما حـج ساعيين،،، عـلـــى النبـــي وعـداد نون مزابيـر [/frame]