[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله يا للي كلنا نرجي عطاه=يا ناصرٍ عبدك على جمع الطغات

انك تعز الدين وتعز الولاه =اخوان نوره درعنا فالنايبات

حكام نجد بسيف وبوجهٍ وجاه=تاج الفخر والعز واهل الطايلات

اليا اعتزوا خصيمهم ما له نجاه=بالعزوه الي هزت جبال السرات

حنا هل العوجا مطوعة العصاه=ما للمعادي فالسعودية سبات

والشعب كله للملك يعلن ولاه=وحنا على الوقفه جبالٍ شامخات

يسلم لنا بومتعب وحنا فداه=الحاكم العادل وستر المترفات

ويسلم لنا سلطان زبن اللي نصاه=سلطان سلطان الأمور الكايدات

ويسلم لنا نايف وكم غازي نفاه=نايف ونايف ماله الا النايفات

ويسلم لنا سلمان عز اللي وزاه=سلمان راع الطيب لاراحت وجات

وال السعود ملوكنا طول الحياه=مادام ضلع طويق بين الراسيات

اعيال عودٍ وحد الدار وحماه=رحل لكن بقلوبنا حيٍ مامات

الكل يدعي طيب اللهُ ثراه=عبدالعزيز اللي تحدا المعضلات

اللي طحن حبٍ ما يطحن في رحاه=والف ما بين اعراق واجناس وفئات

يالله ياللي مايخيب من رجاه=ان تسكنه جنات عدنٍ عاليات

يذوق فيها الفيصلي مما اشتهاه=من كل ما نفسه تبي من امنيات

ولبيه يا دارٍ ربينا في رخاه=نعمه عسا الله ما يغيرها حيات

نفدا وطنا من ثراه الى سماه=ودون الوطن ما نرتضي بالهافيات

والمعتدي نرد وجهه في قفاه=والله مادون البلاد مساومات

بالسيف الأملح نجعله يرجع وراه=اما رجع ...ولا بكنه النايحات

قلته وانا لي لابةٍ سقم العداه =ساس العرب قحطان وافين الصفات

حنا الحباب وخصمنا نلعن ثواه=امعشية عزام من روس الغزات

وحنا الجحادر والفخر منا شذاه=فرسان نجد اهل الهجن والمسرجات

وحنا عبيده كالنهر يا طيب ماه=لكن لا ثارت سيوفٍ مرهفات

وحنا بني هاجر وسنحان العصاه=وحنا رفيده جمعنا ما له شتات

وحنا شريف ومجدنا الشايب بناه=وحنا بني بشرٍ ولا نبغا وصات

قبايلٍ في كل حدٍ واتجاه=ما ننحصر لو في بيوت معلقات

امن الشمال الى الخليج الا السراه=ومن السراه لغرب جده للحصات

الضيف لا جاء دارنا يوم ولفاه=يلقا تراحيب ووجيهٍ باسمات

ودلال رسلانٍ لها كيف وطراه=والعود الأزرق..والسمان مفطحات

نٌمنه باذن الله ونٌمن من وراه=ولا تجيه الا العلوم الساميات

هذا وكلٍ فالزمن يلقا وفاه=كل القبايل كفو في كل الجهات

واللي يهاب من اللقا تربت يداه=يالله عسا ما له من العله نجات

ومن لا ينال الطيب في بادي صباه=قسمه مع الاحرار من قسم القطات

والسيف ماله عزةٍ لولا شباه=والذيب لولا نابه اصبح كنه شات

وختامها على نبي الله صلاه=اعداد من كبر وشرع فالصلات[/poem]