وصلت ابيات عبر رساله جوال للشاعر الشاب حسين بن شتوي الحبابي من خاله
الشاعر حسين بن معوضه ال ملهي الحبابي
يقول ابوسفر

مريض القلب لايمكن يداوا=ولو تعطيه بسكوت وحلاوا
فلا يمكن يغير من طبوعه =ولو شفته نظر يمك وراوا
تنبه دائم واحسب حسابه=ولو يصفي معك حاول ولاوا
يبي له دق خشم ياسنادي = ويبي شلفا تعرضه الكلاوا

وهذا رد ابن شتوي علي خاله


مريض القلب لايمكن يداوا=مطيحه عجل ونجومه تهاوا
مادام ان قلبه اسود ياحليله =يجنب لايعز ولايخاوا
ومادام انك تعديته بطاله =فترى قربه وفرقاه تساوا
حسود قاتل نفسه بنفسه =يدور للمعاند والملاوا
مجمع له من اهل الحسد شله= وجيه غبر واشكال تغاوا
عسي راعي الحسد تبعد دياره =ويصبح غرب جاكرتا وجاوا
وانا يابوسفر ناوي وناوى= اغازل مثل من غازل وهاوا
اهاوي بنت ابوزيد الهلالي =وارد الصوت لذياب تعاوا
مادامك قدوتي ياطير شلوي =باغني للبقوم وللشلاوا
اعرف الحر من نظره عيونه= واعرف ان القوي ماهوا يقاوا


وتشرفوا بمجاراه الشاعر الرائع
مضواح بن شتوي الحبابي(خولان بن عامر) لهم بهذا الابيات الوافيه

مريض القلب لايمكن يداوا=ولو هرجه عسل ولا تراوا
تراوا انه عسل شوكه مصفى=علاج للمريض اللي تداوا
بس انّك لابخسته خفت منه=خبيث الطبع مقطوع العراوا
عليه من الغضب مايستحقه=عسى جسمه من العله تزاوا
عساه وشلته زاد الحدّيا=خوان الفار واخوان القطاوا
يجمعها الردى دقة محيسن=بساسٍ في قفى الطيب تماوا
انا لشفتهم صديت عنهم=لّو انهم لي قريبن وعناوا
قريت بيوتكم ياتاج راسي=وقامت لي هواجيس تلاوا
وجاز العلم لي كني من حداكم=وانا من حبكم قلبي تشاوا
تشاوى وانبسط وارتاح بالي=ولاقيت السكينه والهداوا
الاياحسين وصّلها لخالك=ترى حبه مع نايف تساوا

__________________