[poem=font="Simplified Arabic,6black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عيني تخيل وتستخيل=والريح تعصف بالخيال

على الكحيله ما أميل =وأعنها لروس الطوال

وأدري بها بنت الأصيل=تلحق ليا عطيت مجال

بين العزاوي والصهيل=تقدم ..وانا أخو العيال

أشب في راس الفتيل=وأذب عن راسي العقال

ولاتعرضني هبيل=جنبت عن درب الهبال

ان فاد والا فالصقيل=ورثي مع صفر الدلال

ولامروا ابناء السبيل=ايدي مع طوال السبال

ثلاثين حول ن ماتحيل=وانا أدور للكمال

أدور العلم الجزيل=واشوم عن طاري الهزال

دورت لاسمائي بديل=واخترت مجموعة رجال

ولكل رجال ن حصيل =يجمله كما يقال

مافيه وادي مايسيل=والله ليا من راد سال

ومافيه شي ن مستحيل=والنفس ماتعرف محال

ولاصار حظي فيه ميل= الله عليه الاتكال

نفسي قنوعه بالقليل=ويهمها الرزق الحلال

طبعي بفضل الله ثقيل=ماهزته سود الليال

طبعي بفضل الله ثقيل=ماهزته سود الليال[/poem]

__________________