هذه القصيدة هي المصافحة الأولى لي بهذي الشبكة أرجو اني قد وفقت فيها.

[poem=font="Simplified Arabic,6,black,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
بذكر الله سبحانه بدينا= هو المعبود ماغيره رجينا

إله الكون علاّم الخفايا=مجيب للدعاء لآمن دعينا

طلبناه الهداية جل شأنه=وفي ضله دخلنا واحتمينا

أنسأله يصفح الزلة ويعفو= عن الماضي ولا يزرا علينا

فكل إنسان له ذنب وخطايا= وأخير المذنبين التايبينا

عسانا من تبع سنّة محمّد=وعسانا اللي لذكره ذاكرينا

وعسانا اللي لهم عنده شفاعه =توصّلنا مقر الصالحينا

أقوله واسمعوا مني نصيحة=كلامٍ فيه للعاقل يقينا

وأنا مافرض على العالم كلامي=ولآني فوق كل العار فينا

ولكن ذكروا وادعوا بذكره= ترى الذكرى تفيد المؤمنينا

ومن يدعي لفعل الخير يجزا=بخيرٍ عند رب العالمينا

وأنا مأبغي جزاها إلا من الله= هو إلهي حكيم الحاكمينا

أقول الهرج من واقع تجارب=وبقدر اللي تعلمنا حكينا

مع الأيام جربنا وسرنا=وعرفنا أهل الخطأ والصائبينا

وأخذنا من تجاربنا فوايد= ونهديها لكم يالسامعينا

فأنا بنصحك ياغافل تنبّه= ترى الأعمار تطويها السنينا

خذ العبرة من الماضي وفكّر= بدنيا مابقت للسابقينا

ومهما وصّلوا فيها مراتب=تجدهم في النهاية راحلينا

تخلّوا عن مكاسبها جميعاً=و وارثهم يجيله وارثينا

ولايبقا عليها غير وجهه= هو الباقي وحنّا الذاهبينا

فصم لله وأسجد له وسبّح= ترى المعاود في حبل الو تينا

ولا ينفعك إلا اللي تقدّم=فسر في سكة أصحاب أليمينا

تصدق وأجتهد في طاعة الله=كريمٍ يحفظ أجرا لمحسنينا

وحج ألبيته الطاهر وكبّر=على منهاج سيد ألمرسلينا

ولا تنسى زكاة المال عطها=فهي من واجبات ألمسلمينا

وطاعة والدينك خير مكسب=تغانمها ترى وقتك ثمينا

ولا تندم على مافات وأصبر=ترى ربك يعين الصابر ينا

ولا يأتيك غير اللي كتب لك=ورزقك عند خير الرازقينا

وماخط وكتب باللوح يأتي=فلا تجزع من اللي فالجبينا

مدير الكون له أمره وحكمه = وفي حكمه وتد بيره رضينا

وعز النفس عن بعض المواقف=ولا تقفا عروض الغافلينا

وتخيّر بالمجالس من تجالس=تراطبع الخدين من الخدينا

إذا رافقت قومٍ صرت منهم=فلا تتبع طريق الجاهلينا

وتخيّر بالمنازل قبل تنزل=ترى ساس البنا الساس الحصينا

فلا يعتز بيت قام جدره=على سأس هشاشٍ فوق طينا

ولا ترجي من الهزلا مسرّة = تجنّبها ودور للسمينا
فمن يطرد سرابٍ في جدابه= يعَود ما ملا منه أليدينا

ومن يسقي صفاً صمّاً محيفه = يطول الوقت صمّاً ماتلينا

ولا تذري لمن يبغي ذراها=ولا تصلح لزرع لزارعينا

ولا تغتر في بعض المناضر= ولو كانت تسر الناضر ينا

تراها لو تشبرق لك وتزهى= رداها ينكشف لك بعد حينا

فبعض الناس هذي من وصوفه= تضيع به الجمايل ماتبينا

فلا تغتر في ربع المصالح=مادامك فالعوافي حاضرينا

واليا صكّتك الأيام العصيبة =تخلّوا عنك واقفوا هاربينا

هذولاك ابتعد عنهم وجنّب= إقلال الفود خلهم مبعدينا

والياضمك زمانك صون سّرّك= ولا تبديه عند الشامتينا

عدوك قابله بأجمل ثيابك=وربّك خير من به تستعينا

وكثر الهرج نقصٍ في المهابة=لسانك هو حصانك يافطينا

فقل خير والاّخير تسكت= وتصير من الرجال الصامتينا

فمعيار الرجل قوله وفعله=سواً يزين به والاّيشينا

فلا تنطق سوا قول الحقيقة= ولأتشهد على غير اليقينا

وجارك قم بقدره واحترامه= ولو صار الجفا منّه يبينا

تحمل غلطته واستر عيابه=ترى لابدّ كم متفرقينا

وكلٍ يذكر الثاني بفعله=ويبقى الطيب حق الطيبينا

وإذا جاتك من الأدنين زلّة= تسامح في خطايا الاقربينا

رفيقك هو رفيقك طاب وإلا=فلا تحمل له الحقد الدفينا

وإذا ضاقت عليك الدار فارحل= ولو لك يمها شوق وحنينا

سق الو جنا وشرّقها وغرّب=فجوج الله تسلّي الضايقينا

بدل لصحاب والأحباب تلقى=رفاقٍ صاد قينٍ مخلصينا

وصلّى الله على سيد البرايا=نبي الهدي والحق المبينا

عد د من زار مكة والمدينة= وبذكر الله ختمنا وانتهينا[/poem]

عبدالهادي سعيد المسعودي