[frame="1 80"]أخي مرتاح البال

موضوع جميل وفي وقته

فعلا أين دكاترتنا والمتعلمين عندنا من عجلة التنمية

لكن المشكله كلهم ما يعرفون يسوقونها لأنها عجلة كبيرة ما لها الا الكبار والذين هم قلة كما ذكرت

والمشكلة الأكبر ستحصل بعد الابتعاث لأنه سجل معظم أبناءنا على التخصصات المتاحة وليس على ما يناسبه
أهم شي يسافر يدرس برى
يعني بيعة مكرفون حظ نصيب وأنا أعرف شخص غير تخصصه من قسم طبي دقيق في فرنسا والان يدرس صيدلة في مصر لأنه كبر اللقمة وغص بها وغيره مثله العشرات

المفروض يجري اختبار قياس لكل طالب قبل قبوله في الابتعاث ثم يحدد لكل شخص ما يناسبه من التخصصات اللي تناسب قدراته و.............

المهم أنا شطحت شوي بالموضوع لأنه لامس هما في خاطري لطالما وددت البوح به

أما بالنسبة للسفر والشهادة فأنا أوافق أخوي حسين ال حمدان باخذها بالمراسلة (التوصيل) وأنا ما أخفيكم لأنكم أخواني وتكتمون السر أنا ناوي أكلم ايطاليا منها وحدة بيتزا ووحده شهادة دكتوراه حتى لو أنها في الأدب البيزنطي وبعدها شرهتكم على اللي عاده بيكتب في شبكة قحطان لأني باصير مشغول جدا باللقاءات والمؤتمرات والندوات وهذي فايدة الوطن مني هو صح انه بيزيد وزني بس يالله ما فيه مشكلة[/frame]

__________________
لا يزال لسانك رطبا بذكر الله