قصيدة ((طلاب المرجلة))
الـعـز راس المـجد قنـاعة مالـها حــــــدود
تختص في مــدح الرجـــــــال ويزهـــابها
من عـاشر الاجـواد مـن جـودها يجـــــــود
ومن عاشر الانـذال بـيـت (ن) للذل ابوابها
خلك مع الصادق لو حكم لزمن فيه مقــرود
وابــعد عن كـل كذاب ولا تحسب حسابها
واقـض فـرض ربـك واطـلبه فـي السجــود
غــافر الزلات عـــشـم كـل طـــــــــــلابها
وانـهـج منـهـج الاخـيــار نـهــج الاســـود
وخــل عـنك القرود وابـعد عـن هــضابها
مالـزمن قــايـم(ن) عـلى جـمـع الـنقــــود
الـزمـن يبقـي الجــمايل ومن جــــــــابها
ولو ماخـرجـت مـن دنيـاك غـيـر بقـعــود
خيرمن سمعت(ن) تسـود وجه اصــحـابها
طلاب المرجـلـة يشـره على كـل مـنقـــود
راعـــــيـن افعـال تجــمد على اشنـــابها
وعيونـك بـاعـد خيالـها تـرقـى سـنـــود
واليا اعتليت تـذكر من هي من اسبـــابها
ولاتمشى وتشـري الا مـن الـمـوجـــــــود
الدين شوكة(ن)ورجلك هي الي توطابـها
وطـع والـديك وعـسى عـمـرك يـــــــزود
وخـــتامها ذكــر الرسـول خـير مـــــابها
التعديل الأخير تم بواسطة الشاعر تركي بدان الزهيري ; 21-05-2010 الساعة 12:28 AM